更新時間：15:16 2026-06-05
發佈時間：15:16 2026-06-05
發佈時間：15:16 2026-06-05
昨日（6月5日）《星島頭條》獨家爆出39歲莊思明（Lisa）與拍拖10年的楊明傳將於8月2日（周日）在馬來西亞吉隆坡JW萬豪（JW Marriott）酒店舉行豪華盛大婚禮。
莊思明笑言：冇諗過咁快被出賣！
對於傳出喜訊，準新娘莊思明就表示多謝大家的祝福，自己沒有想過那麼快便被出賣，結婚是她和楊明好即興的決定，沒想到親戚朋友們比他們更加開心：「所以我哋都好感恩好開心！再次多謝大家嘅祝福」，而問到除了在吉隆坡外，會否在香港再辦婚禮？思明說：「呢個真係未諗，冇時間諗。」至於準新郎楊明，就以短訊回覆《星島頭條》，他好多謝好多朋友的關心，他表示：「呢件係開心事嚟嘅，其實都係啱啱開始籌備，係噚日先落實到地點，所以有啲嘢忙碌緊、安排緊，距離8月2日有啲時間，希望趕得切，因為好多嘢要處理，同埋唔係喺香港擺酒，喺吉隆坡擺，咁有啲嘢就聯絡多就複雜啲。」另外，楊明就話除了籌備婚禮之外，亦忙於安排《愛·回家之開心速遞》拍攝，但心情是好開心的，但亦好好忙碌。
楊明因車禍捲入官司 莊思明不離不棄
楊明和莊思明於2016年相戀，2020年楊明因車禍捲入官司，演藝事業跌入谷底，莊思明不離不棄，楊明每次上庭，她都陪伴在側。莊思明父親去世時，楊明以準女婿身份陪伴，承諾會好好照顧她。今年4月1日是莊思明和楊明拍拖10周年，當日二人曾在IG貼上一輯「婚照」並說：「Happy 10th Anniversary to us！不經不覺就十年啦，感謝你一直都咁愛錫我遷就我同包容我，呢十年間我哋兩個經歷過高山低谷，當中有歡笑亦有眼淚，感恩無論發生咩事我哋仍然有對方係身邊！我同你都唔係會講肉麻情話嘅人，一切在心中啦。希望我哋以後繼續打打鬧鬧，嘻嘻哈哈，健健康康，繼續做個開心快活人 YEAH。」當時已經傳出二人結婚的消息，不過當時二人再轉發帖文聲稱是「星級人寵時尚攝影」。
最Hit
