發佈時間：13:40 2026-06-04
歌手兼演員李蕙敏（Amanda）日前接受陳志雲邀請擔任《又係時候同一天講再見》嘉賓。李蕙敏從二人女子組合Echo出道，憑《你沒有好結果》奠定「怨婦歌后」地位，到近年回歸影壇突破形象，李蕙敏在節目中坦誠分享演藝路上的種種經歷，與英籍丈夫的相戀經過，以及被領養的身世故事。
新戲素顏上陣 做足功課揣摩角色
李蕙敏在新戲《我們不是什麼》演繹吸毒者、被虐者及母親多重身份的高難度角色，被問到接拍時是否已知悉角色造型，她笑言：「我第一件事同導演講，係咪要唔化妝？導演話：『好呀』。好老實，平時都係貪靚，配合角色就唔諗啦！」李蕙敏透露接拍前已看畢整部劇本，認為角色情緒相當複雜，為了演好這個角色，做了大量功課，包括研究角色的心理狀態、身體語言，甚至揣摩毒品種類。
拆解同區海倫不和傳聞
回顧歌唱生涯，Amanda 十三、四歲時參加歌唱比賽入行，其後與區海倫組成女子組合 Echo 。被問到當年拆夥是否因為不和，Amanda澄清：「唔係，其實你知一齊合作 ，當然會有夾嘅嘢同唔夾嘅嘢，實有嘅。」Amanda與填詞人黃偉文 （Wyman）亦有深厚淵源，曾於商台一齊主持節目 《娛樂性騷擾》 。她指： 「我無記錯，應該係我哋搵佢 （Wyman）第一個 （填詞） 。」Wyman 為Amanda填詞的第一首作品是《活得比你好》，其後再為《 你沒有好結果》填詞，令 Amanda 成功奠定「怨婦歌后」的形象。被問到是否介意被標籤為「怨婦」、 「慘情歌后」或「怨后」，她大方表示：「其實無乜所謂，呢啲都係觀眾留畀你嘅。」
大讚丈夫有家庭觀念 被求婚時：Yes, maybe
最近Amanda 被發現刪除所有與丈夫英籍丈夫 Serge Micallef 的合照，只分享養子Michael照片，即時惹來婚姻出現問題的疑雲。不過Amanda 在節目中就未有為此疑雲解畫，談及感情生活，Amanda 表示與英籍丈夫 Serge Micallef 在一間 Jazz Club 認識 。被問到喜歡對方甚麼，她坦言因為 Serge 十分重視家庭觀念。她憶述拍拖後第一個聖誕節，Serge 主動邀請她一起佈置聖誕樹。她笑言： 「得意喎，未試過喎，有人 Dating 做呢啲幾好喎，我覺得幾溫馨。」幾年後隨 Serge 回到英國家中 ，她更發現聖誕襪寫着自己的名字，當下感動不已 ，覺得自己真正成為了對方家庭的一份子。
二人拍拖三年後結婚，談到求婚過程，Amanda 憶述一次與 Serge 外地旅行時，對方突然邀請她到酒店房內的泳池。當時 Serge 緊張得大汗淋漓，從袋中拿出戒指並問： 「Would you say yes? Marry me?」 Amanda 笑言 ： 「我特登望住佢唔講嘢 ，跟住佢就好驚，我話 『Yes, maybe』 。」她承認自己 「有啲衰」 ，但就是想享受下那一刻的甜蜜，又想感受對方緊張的心情。
如今夫婦二人育有一名八歲養子 Michael，Amanda 形容兒子「異常活潑、開心男仔、好 Sweet」，經常寫卡及紙條給自己表達愛意。被問到只有一個小朋友是否足夠 ，她笑說：「More than enough ，真係好辛苦㗎。」但她從不後悔，反而從照顧兒子的過程中學會了包容及忍耐 ，深深體會到養兒方知父母恩。
21 歲時揭被領養身世 靠建立自己家庭解開心結
Amanda 與養母的關係一直不算好，童年時常遭體罰，覺得對方不明白自己。直至在養父離世後，她經常陪養母進出醫院，二人相處多了，關係變好，她對生命亦有了不一樣的體會。Amanda於 21 歲時得知自己是被領養，曾想過尋找親生父母，但因工作太忙，加上心裡有種晦氣：「佢都唔理我，我點解一定要咁緊張諗呢件事呢？」被問及得知真相後是否帶來沉重打擊，她坦言：「我諗都算係嘅，但我又好快叫自己唔好諗咁多 ，但係唔容易嘅。咁我諗我完全 Fulfill 咗，無咗呢件覺得遺憾嘅事 ，就係我結咗婚嗰段時間。因為同自己講我有我嘅家庭啦，唔好再諗呢啲嘢啦！」這個心結也隨之解開。
