更新時間：13:27 2026-05-28
發佈時間：13:27 2026-05-28
發佈時間：13:27 2026-05-28
陳國邦憑電影《尋秦記》飾演李斯一角，再度掀起話題。日前他決定展開一場「秦朝朝聖之旅」，親自踏足西安兵馬俑、銅馬車博物館及秦二世陵遺址公園參觀一番，結果竟然是：「我今次總共搵到4個李斯！」
首次踏足西安
今次是阿邦首次去西安，重點參觀了3個跟秦代有關的古蹟：兵馬俑、有「青銅之冠」美譽的銅馬車博物館，以及擺放了李斯銅像的秦二世陵遺址公園。他直指：「其實之前睇紀錄片，見到兵馬俑嘅時候已經有一種情感，對自己國家歷史嘅驚訝、感動同讚嘆。」
今次親身經歷感覺完全不同，他坦言：「甚至會有一啲幻想，好似聞到2千幾年前泥土嗰種氣味。」說到這裏，他忍不住笑說：「唔好問我係咩味，哈哈！你哋自己親親去體驗下啦！」
堅搵到「李斯」？
陳國邦表示，如果1年前去西安，他的體會可能跟一般遊客差不多，但經過這半年來飾演李斯所帶給他的得着，這次去的時候是帶着一種感恩的情緒。講到「尋找李斯」，阿邦分享了一個有趣的體會。
他指這次參觀古蹟很想搵到李斯，而且自覺真的搵到，但嚴格來說又不算找到，他解釋：「原因係因為我哋現有嘅資料，都唔知李斯真實嘅模樣到底係點樣，所以𠵱家睇到李斯嘅銅像或畫像，都係後人根據有限嘅文獻記載，再加上想像去創作出嚟。」
共搵到4個包括自己
而今次的「收穫」，阿邦笑稱他前前後後見到3個不同形象的李斯銅像或畫像，隨後補充：「如果再加埋我自己本人飾演嘅李斯，今次總共係有4個李斯，哈哈！」
至於未來的工作安排，阿邦透露嚟緊3個月都會十分忙碌，因為分別有兩套電影及一套電視劇要拍攝，另外亦有廣告會在這兩個月內進行拍攝及出街，一眾粉絲又可以見到他的演出了。
延伸內容：陳國邦 與黑妹有親
最Hit
