更新時間：10:19 2026-05-03
發佈時間：10:19 2026-05-03
發佈時間：10:19 2026-05-03
現年28歲、參加《聲夢傳奇》入行的潘靜文（Sherman），憑一雙逆天長腿，獲網民封為「聲夢長腿女神」。近年，她主力做節目主持，包括：兒童節目《Hands Up》、音樂節目《J Music》，前年更「升呢」擔任2024年台慶司儀及巴黎奧運節目主持。此外，潘靜文亦有參演劇集，並靠大熱劇集《正義女神》的突破性演出，獲得不少讚賞。
大義滅親戲被讚有演技 踢走「花瓶」標籤
在《正》劇的單元〈秋月樓縱火案〉中，Sherman飾演關鍵證人「林薏冰」，角色相當悲慘，長期活在惡勢力舅父（煒烈飾）及暴戾表弟（劉展霆飾）的陰影下。當中的重頭法庭戲，Sherman將角色的那種長期受壓、驚恐入骨的神態，演繹得淋漓盡致。
Sherman表示拍攝當日全部主角都在場，而佘詩曼更特別對她加以輔導，但拍出來的效果卻未如理想，她憶說：「第二日，有助導打電話俾我，叫我再去拍過嗰場喊戲。鍾樹佳（總監製）真係好好，如果佢唔信任我嘅話，就唔會叫我再拍，所以我真係唔可以再衰，嗰一日好彩真係表現得唔錯，先出到呢個效果。」劇中，Sherman一邊喊，雙肩一邊不自覺地劇烈顫抖，眼神縱然閃縮卻帶堅定，網民紛紛盛稱她：「驚到震的感覺好自然！」
貼出喊到眼腫相 被診斷為輕度抑鬱
前年，Sherman忽然在社交平台貼出喊到眼腫的照片。她坦言，當時幾乎每日以淚洗面，最終被診斷為輕度抑鬱：「我記得當時係因為有一段短時間冇工開，之前慣咗日日都好多嘢做，好充實，突然間有一段時間冇工開，個心就會好慌！我係雙魚座，好容易喊，有好多人問點解喊都要影相？我覺得咁樣做係應該嘅，因為起碼知道我嗰段時間係點解會唔開心。」幸好，Sherman最終在母親的陪伴與支持下，成功走出陰霾。
最Hit
