發佈時間：17:24 2026-04-23
施明早前離世，大孖李泳漢今日（23日）完成一連串喪禮儀式後，出席解穢酒時，開腔回應家人之間的是非恩怨。對於父親李家鼎（鼎爺）及胞弟李泳豪齊缺席解穢酒，李泳漢言談間流露對父親的深切憂慮，他形容「冇咗媽媽唔想冇埋老豆」，因會覺得寂寞。他透露曾邀請鼎爺同住，又建議他安裝平安鐘，但全部被拒。他直指覺得父親現時「被人控制」，某些言論不似一位80歲老人家會講的說話。至於與李泳豪會否冰釋前嫌、和好如初？他表示是雙向的，「要睇佢意思，我唔會say no。」
指死無對證講法不公平
李泳漢被問到完成母親身後事的感受，他表示儀式尚未完結，因作為佛教徒有49日的法事要跟進，現時每日要唸經打齋，有些細節不便公開講。他強調歡迎弟弟前來送別母親，「佢一定要送媽咪最後一程，嚟係正常同應該嘅，（你唔畀佢老婆出席？）呢啲係我阿媽意願，我一早講明我阿媽唔認佢，我要堅守。（你單方面講？）你會清楚得過我阿媽？我都話有人證，佢哋結婚冇請我阿媽，我諗事實擺喺大家面前，呢樣嘢點樣洗白呢？同埋我阿媽已經pass away，你呢啲死無對證嘅講法好唔公平。（其實對你細佬老婆都好唔公平？）係咩？你唔好辣我喇，你講呢啲嘢想辣我啫，冇用㗎！」至於爸爸和細佬沒有出席解穢酒，他坦言：「我有邀請，佢哋唔嚟我都冇辧法。」
與弟弟和好取決於對方
被問到將來能否一家人坐低食飯，李泳漢坦言不懂回答，認為一切講緣份。他強調一定會關心爸爸，但與弟弟的關係是雙向的，「如果我想佢唔想都冇用，睇佢想點」。他說待一切安頓好後，若弟弟主動提出想坐低傾偈，他不會拒絕，但目前仍有很多事要處理。問他如果跟細佬冰釋前嫌、會否接受埋他的太太？他坦言：「諗得太遠喇，等第一步發生先喇，如果佢認番我做阿哥，睇點做囉，但未發生吖嘛，太多假設喇。（鼎爺有冇想你兩兄弟和好？）佢冇乜點提過，冇講過呢樣嘢，真係冇！」
媽媽臨終前未及見最後一面
李泳漢透露，母親離世來得非常突然，他連最後一面也見不到，他指到場見到媽媽時，她已合埋眼，最後一句話也沒有講。對於外界質疑為何死訊傳出兩日後才通知父親，他解釋首先要打齋、辦死亡證和處理遺體等事宜，強調自己有通知爸爸交代整件事，至於沒有即時通知，他解釋就算咁做都１解決不到任何問題。他重申自己是以母親的最佳利益去做每一件事，「我冇做錯，ok？」
心痛父親憔悴卻無奈
李泳漢表示，見到鼎爺一臉憔悴非常擔心。他憶述從Day 1告知鼎爺有關媽媽的事開始，已即時叫他過來同住，總之有咩事致電給他，他會即刻去接爸爸，又建議鼎爺裝平安鐘，無奈鼎爺依然選擇自己住。問他是否好錫爸爸時，他坦言：「我啱啱冇咗個阿媽，我唔想冇埋個老豆，因為我會覺得好lonely，已經覺得好lonely喇。」
靈堂上僅短暫接觸
問李泳漢在靈堂上有跟爸爸和細佬溝通或接觸嗎？他表示：「細佬有同佢啲仔女玩，有同爸爸講一兩句話，唔算好多，唔係話有隔膜，所有嘢都依足規矩，例如頭柱香係佢上先。」被問到與鼎爺的關係是否一直良好，他重申父親「係被人控制緊」，他現時角色被動，強調自己只是做應做的事。對於網民關心日後如何分配母親遺物、甚至分配家產，他表示現階段不回應，最重要是讓媽媽安靜、平心上路。至於喪禮開支由他一力承擔，「細佬同埋鼎爺一毫子都冇出過」；而媽媽骨灰安放地點，他暫時不會對外公布。
延伸內容：施明出殯︱李泳漢回應拒弟婦入靈堂是遵從母親意思│ 李泳豪指父親李家鼎「講唔到」 提太太稱「唔講喇」
延伸內容：施明出殯︱李泳豪偕父李家鼎到場不受訪 未見太太林妤謙同行
