更新時間：15:06 2026-03-27
發佈時間：15:06 2026-03-27
發佈時間：15:06 2026-03-27
藝人練樂儀（Alina Lin）日前現身維園香港花卉節2026，獲邀擔任花藝模特兒，穿上由真花精心打造嘅「黃金系列」戰衣，全身鋪滿金黃色花朵，由頭閃到落腳，一出場即時成為全場焦點，吸引大批龍友瘋狂按快門！
「黃金花仙子」造型吸睛
Alina呢套「黃金花仙子」造型絕不簡單，裙身鑲滿黃金蘭花、滿天星等鮮花，配上金色假髮頭飾，行Catwalk時花瓣隨風飄揚，仙氣十足。她透露：「花藝Catwalk同平時行騷好唔同，要就住啲花唔好整爛，每一步都要溫柔，但行完之後遍地黃金，都幾好意頭。不過件衫真係好重，行起上嚟冇以前咁輕鬆。」
講起花，Alina覺得今年同花特別有緣。新年前佢去咗杜拜旅行，遊覽當地旅遊勝地奇蹟花園時，已被滿園鮮花嘅美景深深吸引，最特別係用鮮花砌成嘅1比1阿聯酋航空飛機，場面十分震撼！
遊杜拜「豪住豪玩豪食」吸財氣
Alina透露今次豪花十萬同家人遊杜拜，實行「豪住豪玩豪食」，順便沾吓呢個富裕國家嘅財氣。點知返港後，當地隨即爆發襲擊事件，令佢大感世事無常：「返到嚟先知原來嗰邊發生導彈襲擊，真係好突然，冇人預料到聽日會發生咩事。如果我哋遲走一陣，可能都陷入戰火之中。我好感恩一家人整整齊齊返到香港。」
Alina遺憾表示，自己曾經到訪嘅杜拜旅遊勝地，事後喺新聞中見到遭襲擊破壞、火光熊熊，包括七星級帆船酒店、全世界第一高樓哈利法塔等，睇到呢啲畫面心情倍感難受，希望世界和平，少一點戰火。
最Hit
