發佈時間：18:48 2026-03-16
致力保護雀鳥的郭秀雲，上月6日晚停泊於元朗壆圍路的座駕擋風玻璃遭扑爛，車頭留下字條：「八婆比（畀）番隻雀，不比（畀），下次弄人。」警方列作「刑事毀壞」處理。
座駕被毁後，有晚凌晨她從公司離開，即聽到有人離遠大鬧：「八婆，睇住嚟呀！」她懷疑連串恐嚇事件，與有人不滿其救雀機構運作有關，並強調從沒有將鸚鵡據為己有。問她人身安全受威脅，不怕嗎？她說：「我都唔後生啦，個天會幫我，最多小心啲囉。」
態度突變
訪問這天，郭秀雲帶着迷你金剛鸚鵡現身，聲稱連串恐嚇事件，相信與她於1月29日晚在調景嶺救起這隻鸚鵡開始。「嗰晚收到一位女士來電話發現失雀，我去到救起隻雀，就擺佢喺軚盤影相，仲tune番光啲色，出post搵主人。第2日就收到8個唔同嘅人打電話嚟，內容都係關於婆婆走失咗隻『迷金』叫金仔，叫我畀番佢。」
當晚她即刻帶同救回來的「迷金」，讓婆婆核對是否走失的金仔。婆婆形容金仔背部甩毛，腳環沒有名字和電話號碼，郭秀雲指當時婆婆確認眼前的迷金並非金仔，並同意翌日提供更多資料，讓她出post尋雀。豈料翌日下午，婆婆態度大變，指控她：「你攞咗我隻雀唔畀返我，偷咗攞去賣！」
郭秀雲自言聽見後一頭霧水，懷疑是針對她的前義工煽風點火，又指與婆婆是舊相識，但兩人曾發生不愉快事件。
「佢嗰時話行動不便，唔想養雀，我就幫佢鉰養咗3隻，當中包括一隻唔適合做寵物嘅『黃面金剛』。後來有次黑雨行雷閃電，『黃面金剛』心臟病嚇死咗，婆婆知道後好暴躁。有人話我拎去賣、拎去繁殖，婆婆形容金仔甩毛又年紀大，邊個會要？如果我有賣過雀，點會冇證據？」
警方核對
幾日後，郭秀雲去了泰國，開始收到恐嚇電話，聲稱知道她的住址，其後就發生了座駕擋風玻璃被毁，以及在公司樓下被恐嚇事件。「我會小心啲，去冇乜人嘅地方，會搵多一、兩個人陪，同埋要嗱嗱臨換個24小時着住嘅車cam，就算扑爛車窗都會拍到，上埋雲端。」
她指婆婆前後3次報警，「第3次madam打來，話婆婆建議我帶隻雀去畀佢相熟嘅施彬彬議員核對。當日，我、施議員、發現失雀嘅拾獲人去到將軍澳警署，同沙展拎住電話啲相、片段同通話紀錄核對，搞咗3個鐘，對過晒，證實我當晚喺車影嗰隻，根本唔係金仔，冇偷龍轉鳳。婆婆都接受施議員所講，張相唔係金仔，不過就堅持我唔知點樣攞咗佢隻雀收埋咗。」
加入救鸚鵡行動3年，似乎很多時候吃力不討好，可有一刻想放棄？她說：「唔會！除非我唔郁得。𠵱家我屋企養咗至少80隻鸚鵡，淨係醫療費用，上年同前年都使咗百幾萬。老公冇勸我收手，佢以前夾band夾得好犀利，隻耳聾聾地，所以暫時捱得住啲鸚鵡叫聲。」
當下，她只希望警方早日查個水落石出，便可安心繼續救雀。
延伸內容：郭秀雲愛蛇養上癮 一屋逾30條蛇 老公龐傑聞蛇色變
延伸內容：郭秀雲籌款助動物 七仙羽初次接觸大蜥蝪
延伸內容：龐景峰秘戀劉溫馨 爆郭秀雲決絕棒打鴛鴦
