更新時間：14:26 2023-12-26
發佈時間：14:26 2023-12-26
發佈時間：14:26 2023-12-26
原是全職「白衣天使」的唐浩嘉（Kiko），因喜愛唱歌，不惜轉做兼職護士，邊搵錢邊實現歌手的夢想。剛於9月，她自資推出新歌〈渣男 N-Timer〉，不單止唱、曲、詞，就連MV構思、製作及預告片，都由她一手包辦，在其YouTube的點擊次數已近4萬。
對於這首新歌的靈感，Kiko自爆經歷過5段情，並坦言自己是「渣男收集器」：「我遇過5個男仔，4個係『渣男』。對上嗰段好深刻，我好愛對方，但有次竟然撞到佢搭住另一個女仔。佢見到我，即開車走，我嗰刻心好痛！縱使大家事後有考慮會否一齊，可惜我見過鬼怕黑，亦睇到對方嘅黑暗面。我綜合『渣男』嘅4大特質︰講大話、情緒勒索、冷暴力、一腳踏N船等，幸好我冇被騙財，只係傷害咗心靈。」
現時單身的Kiko，早已走出失戀陰霾，既做兼職護士，又教唱歌搵錢，繼而將錢用來做歌，「有工返，就有歌出，係捱得辛苦，但好值得！因為做自資歌手，可以做番自己，創作喜歡嘅歌。以往係年度歌手，1年先出1首歌，稍後應該唔會。」新人不易為，Kiko循序漸進，走出自己的軌道，不但有媽媽做忠粉，就連原本不支持她入行的爸爸，也改變態度。有父母作後盾，絕對是她的強心針，讓她奮勇向前繼續追夢。
最Hit
