更新時間：13:49 2026-02-28
發佈時間：13:49 2026-02-28
發佈時間：13:49 2026-02-28
利申，本人好鍾意睇搶劫電影，所以《犯罪101》（Crime 101）有呢個元素，加上由「雷神」基斯咸士禾夫（Chris Hemsworth）、「變形俠醫」麥克雷法路（Mark Ruffalo）、「貓女俠」荷爾芭莉（Halle Berry）同「小丑」Barry Keoghan合體主演，我即刻bookmark。
今次基斯唔揸鐵錘，改為揸槍去搶劫金銀珠寶，想撈埋最後一筆就退隱江湖，點知人算不如天算，邊有咁易吖！
偷上偷過癮
《犯罪101》有基斯同麥克助陣，自然令人聯想起佢哋係復仇者聯盟，係friend底。但sorry，今次佢哋一個係賊，一個係兵。基斯盜亦有道，搶劫過程堪稱紳士，絕不傷及任何無辜；而麥克喺調查洛杉磯101號公路連續搶劫案上，原則好簡單：唔可以偷盜。
麥克話：「呢種男人之間嘅較量、貓捉老鼠嘅遊戲、警匪對決嘅劇本，同時觸及更深層、更有趣嘅社會議題，探討乜嘢先係真正嘅正義，好吸引。」基斯有自己一套嘅原則，但同行Barry Keoghan睬佢都儍，覺得與其自己辛辛苦苦策劃搶劫，不如直接向基斯埋手，偷上偷仲好。基斯亦因為呢分「職業」，無法相信人，直至遇上神秘嘅Monica Barbaro 。
親身飆車
片中有唔少飆車場面，多得基斯之前拍賽車片《一級雙雄》時受過訓練，親身上陣冇問題。「呢個角色同我之前演過嘅好唔同，佢外表嚴肅，但內心極度脆弱。」
金像影后荷爾芭莉飾演保險公司理賠員，奮鬥多年，卻因為性別、年齡，功勞往往被搶，無奈踏上黑化之路，佢話：「我接呢部戲，就係想話畀大家聽，呢種不公平情況的確存在。」
上映日期：2月26日
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
即睇：劉威煌賣珍珠奶茶做到買數銀紙機︱ 愛犬訣別彩虹橋鼻酸感人故事︱ 罕談娛圈最難受歲月：我放棄過！
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
