發佈時間：10:00 2026-02-18
「經理人」三個字在演藝界，有着舉足輕重的地位。除了要替藝人接洽工作，藝人生活上事無大小也要暸如指掌，並為對方爭取最大權益。
出身自亞視藝員的黃美芬，自2013年由舞台劇演員轉跑道當上經理人後，一切由零開始，由傾合約、揀劇本、傾價錢等，統統都要摸着石頭過河，見招拆招。
幸運是Baby John蔡瀚億成為她旗下藝人後，在《香港電影金像獎》上贏得了「最佳新演員」；數年後簽下好友袁富華，他又在《香港電影金像獎》、《金馬獎》和《中國電影金雞獎》奪得「最佳男配角」，作為經理人的她亦與有榮嫣。她笑說﹕「近年出席活動，都有朋友話要推介啲新人俾我簽，有次見到紅姐（惠英紅），佢仲講笑咁同人講，『搵佢做經埋人啦，佢簽親啲藝人都攞到金像獎㗎！』」
這位經埋，恍如有金光罩。
和袁富華拍住上
黃美芬自擔任經理人以來，只簽過蔡瀚億和袁富華二人，「我同Baby John係合演舞台劇認識，當時覺得呢個後生仔好有潛質，四圍幫佢搵經理人，但身邊人話，你不如試吓自己做，思前想後，2013年就決定一試。合作了6年，我當佢係仔，因為細公司，事無大小都係我哋兩個人說了算。」
到2019年與Baby John結束合作關係，機緣巧合下，她又簽了袁富華（Ben）。她說：「我十幾歲做舞台劇認識阿Ben，佢識晒我全家，大家好老友。當年佢憑《翠絲》提名《金像獎》『最佳男配角』時，搵我幫手安排訪問，起初係朋友性質幫手，之後佢想搵個經理人幫手接洽工作，我便成為佢首選。」
過去6年，黃美芬為袁富華挑選很多劇本和角色，當中憑《水餃皇后》糖水伯一角，贏得《中國電影金雞獎》「最佳男配角」，「因為大家太熟絡，好多嘢唔使講已有默契，省卻好多時間去建立互信，多年來亦冇乜拗撬。當收到劇本，我睇佢又會睇，就算幾難演，同佢性格完全相反嘅角色，佢都一樣做到，感情亦自然流露。而阿Ben當收到一個角色，佢都會認真研究其人物性格，將自己變成那一個角色，我笑佢係『過份認真袁富華』。」
最有趣是前年她原本替袁富華洽談電影《得寵先生》的「石師傅」角色，但接洽期間，她卻被看中演出其中一個母親角色，「傾完之後我同阿Ben講，你只有1組戲，但我有8組呀！原來我仲有巿場，哈哈！」
演青蛇嶄露頭角
1993年參加亞視新星大賽得到「最受觀眾歡迎獎」而入行的黃美芬，在亞視一做10年，拍過多部劇集，直至拍《我和疆屍有個約會》飾演青蛇小菁一角開始被人認識。「因為想做藝人，那年代參加選美最直接，但自己唔夠靚，又怕着泳衣唔自然，所以去咗參加新星大賽。入行後我一直做演員，又主持過一啲資訊節目，那時年年都爆騷，至2003年轉咗去做全職舞台劇演員，10年後做舞台劇認識Baby John後，再轉跑道成為經理人。」
令她決心從幕前轉到幕後的最大功臣，是她口中的另一半「朱老爺」、音樂會製作人Tommy Chu朱浩棠，「我哋2009年相識，係麻雀枱上結良緣。因為朱老爺喺娛樂圈經驗豐富，當我同佢講話想做經理人，佢唔兜圈直接話會好辛苦㗎，而當我做咗經理人，每次遇到難題問佢意見，佢都會俾到答案解決。我係I人，比較內向，又係緊張底，唔識講笑，每次出去應酬，朱老爺都會提我要主動同人打招呼，識多啲人，將來做嘢亦會有幫助。有佢喺度，我個心就會定，有啲人幫你會令你有壓力，但佢就令我好自然。學識做經理人就要有承擔，並要替藝人爭取最大利益，未來日子，希望可以替阿Ben接一個全新嘗試的角色，繼續突破！」
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
立即追蹤《東周刊》全新WhatsApp頻道，緊貼全城熱話、突發猛料、獨家消息！
