發佈時間：16:20 2026-01-19
電影版《尋秦記》除原班人馬悉數回歸外，還有不少新面孔，最令人意外的是闊別香港觀眾5年的陶枳樽（Crz）。2005年開始接觸娛圈的她，參加過女團，亦推出過寫真集，但突然消失。她娓娓道來：「以前發展嗰條路，其實唔係我想做嘅嘢，再加上我媽媽因為癌症離開咗，於是我就返咗內地發展，想做一啲成績。」
她無奈的憶述：「當其時喺內地我周圍去試鏡，不停周圍搵嘢做，但係完全乜嘢都冇得做，有一日我坐喺間酒吧度，情緒崩潰，大喊咗一場。好彩國內有一啲叫做拼飯，好少錢就可以食到一餐飯，嗰段日子我係靠咁樣過生活。」
無啦啦做咗第三者 做咗3年「傻仔」
在內地發展未如理想，Crz倦鳥知返。現時，她是一位情感博主，並經常拍一些短片講兩性關係；而她自言最失敗的一段情，就是6年前拍《尋秦記》時遇上同片的演員、台日混血兒楊宇騰：「我從來都冇公開交代過我同佢嘅呢段關係，因為真係太唔開心啦！嗰陣時，我同佢拍咗半年拖，因為疫情，分隔兩地，佢一直都同我講會同我結婚，婚期都已經訂好咗。我哋每一日都會有訊息互通，突然間有一日，有一個女仔發訊息俾我，話我騷擾佢男朋友，無啦啦我就做咗第三者。」Crz坦言一直默默等待，怎料做了三年「傻仔」，分手後還要被他的粉絲攻擊，幾年的關係，換不到一句對不起，真的跌得很痛！
延伸內容 : 陶枳樽絕密艶照大搜刮 《中年好聲音4》顏值擔當
狂睇《尋秦記》6千人脫穎而出
提到《尋秦記》的面試，Crz仍記憶猶新：「見到古生時候，佢問我哋成班人：『你憑乜嘢做一個演員？又問點解你會做一個演員？』最初，我諗唔到答啲乜嘢佢先會滿意，跟住我突然間有一吓，覺得好忟憎，好嬲！我真係覺得我自己得㗎喎，古生，點解你覺得我唔得呢？我究竟有啲乜嘢你真係覺得我唔掂呢？我講完呢幾句嘢之後，佢停咗10秒，全場靜晒，佢望住我10秒，呢10秒對我嚟講好漫長，佢話：『我終於發現有人知道自己做緊乜。好！我就俾個機會你！』」雖然在戲中Crz只是做善柔（滕麗明飾）的其中一個弟子，但為了這幾場戲，她睇了電視劇《尋秦記》超過10次，鑽研箇中精髓。
《中年好聲音4》被視顏值擔當
最近，Crz還參加《中年好聲音4》，並被視為顏值擔當，她就覺得當之有愧：「我只係參賽者之中比較平均嘅一個，能夠跳舞、唱歌，有少少樣，所以大家抬舉我啫，今次參加呢個比賽，我係想俾爸爸睇到，我上咗電視，想俾佢睇到我真係有努力過，贏輸唔緊要，起碼我有試過。」《中音4》的香港區海選有近6千人參加，Crz能夠脫穎而出，唱歌的實力不容置疑，陶爸爸應該倍感安慰。
《東周網》訪談系列節目《星桄伴我心》1月重磅嘉賓：
即睇：龔慈恩激罕剖白2次離婚傷痕：「我冇恨之入骨！」│25歲女兒林愷鈴閨房私密│點評佘詩曼、黃宗澤、王敏奕
即睇：羅泳嫻因舊愛吳啟華遭攻擊│德國前夫被色誘情刧│女鬼闖入屋求助
