發佈時間：17:45 2026-01-14
北上享受吃喝玩樂，當然是「食很正、買得抵、嘆得爽」才是王道！香港首個中港飲食文旅網絡短綜藝頻道「On Your Mark Channel」(OYMC)，潮而不老的「波姐」馮素波及Madam Icy黃婉曼分別主持節目《香港網絡食神之IE創意爭霸戰》及《嘆世界突擊隊》，在她們領軍坐鎮下，帶住班風趣又識食的隊伍，北上「搵好嘢、避中伏、慳到笑」，搜羅高性價比的吃喝玩樂資訊！參與拍攝的，更有梁茵、羅堃尉、鄭詠謙、吳宜等。
在《香港網絡食神之IE創意爭霸戰》中，波姐帶隊掃街，一口奶茶再加一句「啲奶係假㗎！」一針見血又搞笑！而在《嘆世界突擊隊》中，黃婉曼直搗陽澄湖，追蹤香港老字號「成隆行」大閘蟹的全生產鏈，從養殖、出口檢驗，以至運到香港，來到客人手上，每一環都親身驗證，只為告訴你：「呢隻蟹，點解好味、點解抵！」
黃婉曼說最欣賞製作團隊的無限創意：「佢哋經常即興發揮，一班嘩鬼真係好盞鬼同幽默。有時候未輪到我埋位，喺側邊睇住佢哋演繹，我會睇到好投入，因為太好笑，有一次仲睇到唔記得咗輪到自己出場。針對唔同商家嘅特性，佢哋創作出唔同趣味嘅橋段。好難得好多商家都肯放低身段配合演出，我希望真係可以搜羅到高品質又實惠的推薦，雖然有壓力，我都不遺餘力向商家攞優惠，唔想敷衍觀眾，有時候要他們劈價，我真係不留情面！」
這個人氣爆的頻道OYMC的「BIG BOSS」，是曾在TVB當編導的Keith Chan陳江鴻「豆演」，話明係「BIG BOSS」，轉數當然異於常人，以「快、狠、平」來深挖高性價比的消費密碼，讓觀眾在短短兩分鐘內，即時get到：「點解呢間咁抵食」、「呢個價錢到底值唔值」。
兩大節目播出以來廣受歡迎，在《香港網絡食神之IE創意爭霸戰》中，一條《元朗混血咖哩店》單支影片播放量破37萬，《嘆世界突擊隊》最高48萬，平均每段都是10萬觀看次數，全頻道月總流量超100萬，總流量破300萬。
