發佈時間：12:00 2026-01-11
入行16年的方紹聰（奶仔），因為主持兼監製綜藝節目《野外步出》而彈起；不過，他今年的工作量卻寥寥可數，只得兩套劇出街，全年只開工20日。幸好，他一早已經裝備好自己，不單止考獲滑雪教練牌，還擁有潛水教練牌，這樣便可以冬天教滑雪、夏天教滑水來幫補生計。
「機會是留給有準備的人」，這一句是奶仔的做人格言，為了讓自己能夠飾演更多角色，半年前奶仔開始減肥，由高峰期183磅減到現時145磅，腰圍更激減了10吋半，還操肌變《激戰》的張家輝，他坦言：「我點睇都唔算一個靚仔，所以我希望增加多啲自己嘅技能，有更好嘅外表，可以換到更多工作嘅機會。」顧家的奶仔強忍淚水說：「我希望有一日我有能力養家。」
做人格言
現年38歲的方紹聰（奶仔），在無綫打滾16年，演出逾200個角色，故被封為「綠葉王」。2021年，他因孖住一班索女一同主持《野外步出》，而成功彈起；另外，最令奶仔開心的是，這個節目由他自己擔任監製。
早前，奶仔在台慶劇《新聞女王2》飾演一宗工業意外的匿名受訪者，因為李施嬅的失誤，洩露了他的身份，弄致他被業界封殺。若果觀眾有留意到，在不同的集數中，奶仔的身形竟然有所轉變，他哈哈大笑：「唔知啲觀眾有冇留意到呢，因為分開拍攝，前面嘅鏡頭，我仲係一個肥仔，但去到之後，我個身形係好明顯瘦咗。我諗真係要好鍾意我嘅人先會留意到。」
「機會是留給有準備的人」，這一句是奶仔做人的格言。他憶說：「周柏豪個細佬係我嘅髮型師，我睇住佢由一個肥仔變成鋼條身形。我問自己，點解佢得我唔得，人係要進步嘅，於是佢就介紹咗教練Justin俾我認識。」半年前，他開始減肥，由高峰期183磅減到現時145磅，腰圍更激減了10吋半，還操肌變《激戰》的張家輝。奶仔突如其來的轉變，目的原來是為了有更好的body，去迎接更多的工作機會。
周身利刀
奶仔續說：「Justin教咗我好多嘢，佢話俾我聽，減肥唔需要節食，係要控制自己食啲乜就可以啦！如果減肥係要節食，女仔會有機會停經，男仔亦都會有機會抑鬱、唔開心，咁樣就唔係真正減到肥。」他表示自己的減肥相當輕鬆，每星期去健身室3日，每次做1小時健身，盡量食豐富蛋白質的食物，以此來增加自己的肌肉。
今年只有兩套劇出街，全年只開工20日的奶仔，為了生計，一直以來都積極裝備自己，不但考了二級船牌，還有三級山藝牌、CASI LV1單板滑雪教練牌、PADI潛水教練牌、AIDA2自由潛牌、滑水教練牌，以及SD專業舞蹈員培訓課程牌及爵士鼓5級牌，沒有工開的日子，周身刀的他，夏天會教人滑水和潛水；而冬天則教人滑雪。他分享道：「做人唔好自怨自艾，而係要力求進步，做好自己，等待機會嘅出現。」
不斷增值
今個冬天，奶仔將會飛到海外教滑雪，若果香港有工開，便會立即趕回來，他表示：「只要遇到好嘅劇本，好嘅角色，我就會飛返嚟拍劇，但係冇工開，我就會留喺嗰邊教人滑雪囉。我會再考埋NZSIA LV2單板滑雪、雪崩拯救同兒童教學相關的資格。因為我教人，係希望教到最好，真係令學生可以享受滑雪，所以我要不停去考唔同嘅牌照，增值自己先可以教到人。」據悉，奶仔現時教滑雪的收費每小時約1千元，他笑言有興趣的人士可以透過社交網私訊他。
疼錫家姐
努力搵錢，奶仔除了為自己之外，也是為了患有輕度弱智的胞姊。他透露目前還沒有足夠的能力，肩負養起成頭家的責任，而他最希望有朝一日可接胞姊回家一起住，他強忍淚水的說：「我同家姐嘅關係好好，我睇得出佢好錫我，例如我返屋企佢會攞拖鞋俾我，知道我口渴亦都會去雪櫃攞汽水俾我，佢能夠做嘅就係呢啲，我睇得出佢非常關心我，我亦都好錫佢！有時我會諗，父母百年歸老，家姐點算呀？如果我將來有錢，我就唔想家姐住宿舍，接佢返嚟屋企住，再請個工人照顧佢。」
性格率直的奶仔表示，以前揀女朋友，主要睇外表，現時外表是其次，善良的內心最緊要，他表示：「以前細個，靚就可以行埋啦，使乜諗咁多呀，但係靚嘅嘢對得耐咗都係一樣啫，所以夾唔夾先係最緊要。」問奶仔現時有沒有拍拖？他一臉尷尬的說：「點答呢？哈哈哈哈。」默認嗎？他笑言：「你話呢？」
不過，奶仔就大方承認自己拍過幾十次拖，又笑指大部分都是因為跟他相處舒服簡單，所以走在一起，他直說：「其實我啲粉絲都係㗎，大部分都係媽媽級，佢哋覺得我好親切，見到我佢哋會講：『奶仔你好似瘦咗喎，我煲啲湯俾你飲啦！』其實人與人相處好簡單。」奶仔非常有觀眾緣，默默等待一個機會。
