發佈時間：16:30 2026-01-05
鍾鎮濤（B哥）剛踏入2026年，便出發到新加坡進行其巡迴演唱會《及時行樂》第2站演出。今次B哥繼續帶同兩名女兒鍾懿（Blythe）及鍾幗一齊夾Band表演；而鍾懿更自薦臨時充當演唱會的和音員，身兼兩職，十分忙碌，並笑言不會收爸爸人工。
鍾懿鍾幗登場任表演嘉賓
B哥的巡唱於上周六（3日）在新加坡濱海灣金沙會展中心舉行，就在演出前一晚，B哥突然收到演唱會總監的消息，表示其中一位馬來西亞的女和音因身體不適，要馬上返回大馬就醫，所以不能演出，鍾懿得知這消息後，竟自薦為演唱會擔任和音員。鍾懿現為北京電影學院導演系研究生，今次在B哥演唱會上，除了做和音，也跟爸爸和妹妺合唱多首歌曲，她還獨唱了《記得》及《小鎮姑娘》。
鍾懿自薦擔任演唱會和音
問鍾懿為何自薦任演唱會和音員時，她坦言：「因為下晝綵排時，知道咗和音姐姐唔舒服，咁個Show咪突然冇咗個女和音。」於是她在爸爸綵排時，即席拿了支咪試唱和音，唱完首歌後，她自信地跟B哥表示可以幫手做和音，她續說：「最初Daddy都話唔使，點知大家發現原來頭先唱和音嗰個係我，Daddy仲以為係Program（預先錄好的和音），所以都贊成我咁做，同埋覺得我可以做到。」
鍾鎮濤形容鍾懿為得意作品
問她既要做表演嘉賓，又要做和音，會否分身不暇時，她笑言：「都唔會，因為其實Daddy啲歌，我由細聽到大，都好熟，所以幫佢做和音，一啲都唔難。」完Show後，演唱會總監特別到後台讚揚她，指她做得很稱職，還笑言可以收B哥的人工，她則說：「唔會喇，我同佢冇計呢啲，最重要係Daddy個Show可以順利完成。」鍾懿如此孝順，難怪B哥在台上介紹她時，形容鍾懿是他人生中最得意的「作品」。
延伸內容：鍾鎮濤與范姜「姜濤戀」有火花對談 拍《巨塔之后》床上戲心得
延伸內容：鍾鎮濤率兩女鍾幗、鍾懿唱爆雲頂 三父女合唱兼夾band sweet到爆！
延伸內容：范姜鍾懿行超巿買餸冇定案 睇怕阿B鍾鎮濤晚餐冇海鮮歎
《東周網》訪談系列節目《星桄伴我心》1月重磅嘉賓：
即睇：龔慈恩激罕剖白2次離婚傷痕：「我冇恨之入骨！」│25歲女兒林愷鈴閨房私密│點評佘詩曼、黃宗澤、王敏奕
立即追蹤《東周刊》全新WhatsApp頻道，緊貼全城熱話、突發猛料、獨家消息！
