更新時間：18:27 2025-12-22
發佈時間：18:27 2025-12-22
發佈時間：18:27 2025-12-22
日本熊患嚴重，啲熊會失驚無神撲出來襲擊人，搞到大家出街都提心吊膽，如果換轉係蟒蛇又點睇？似乎都係死路一條。今個聖誕，有新片《狂蟒之災》（Anaconda）上映。你冇睇錯，我冇寫錯，的而且確係同珍妮花洛庇絲（Jennifer Lopez）28年前嗰套係一樣名，之但係今次主角換上「蟻俠」保羅活特（Paul Rudd）同埋《逃出魔幻紀》系列嘅積伯克（Jack Black）。睇見佢哋擔正，就知搞笑為主，蟒蛇係配菜啦！
《狂蟒之災》重啟舊版本
1997年上映嘅《狂蟒之災》堪稱經典，全球票房勁收1.3億美元（約10億港元），觀眾睇住珍妮花、奧雲韋遜（Owen Wilson）等喺叢林中被食人大蟒蛇追殺，緊張又刺激，仲帶挈之後一連串續集推出，就好似《大白鯊》咁。
來到保羅活特同積伯克版本嘅《狂蟒之災》，最大分別係佢哋並非翻拍，而係借橋「重啟」。珍妮花版本講述一班紀錄片工作團隊闖入叢林開工，而保羅嘅新版，就變成一班睇完《狂蟒之災》後中晒毒嘅影迷，拎住有限嘅幾千蚊美元budget，去拍一部原本製作費需要250萬美元（約1,900萬港元）嘅電影。
保羅積伯克再合體好搞笑
窮有窮拍，貴有貴拍。開工冇耐，驚驚青青嘅保羅，連蛇都玩死。冇咗配合演出嘅蛇拍檔，一班人迫於無奈之下，唯有轉去亞馬遜熱帶雨林實景拍攝，點知拍拍下居然有條真巨蟒現身，片場秒變狩獵場，佢哋命仔凍過水！
保羅同積伯克之前合作過《Walk Hard：The Dewey Cox Story》，今次再合體，自然更有默契。積伯克話：「我係保羅嘅忠粉，佢好搞笑，份人又好好。」保羅就話好開心可以一齊拍足幾個月喎。
延伸內容：《狂蟒之災》（Anaconda）新片介紹｜積伯克（Jack Black）、保羅活特（Paul Rudd）主演，湯戈麥肯（Tom Gormican）執導
《東周網》訪談系列節目《星桄伴我心》12月重磅嘉賓：
即睇：「海馬」老闆鄔友正因翁嘉穗重病痛哭 妙論太太係老虎乸 徙置區小子創富路
即睇：佘詩曼公開美魔女育成秘笈 感傷最後道別許紹雄 驚險慈母心臟停頓20秒
即睇：喬宏96歲遺孀小金子 靠神迹戰勝子宮頸癌 爆喬宏墮機沉船撞車生死刧 靈魂出竅奇異經歷 二人洗手盆見證愛情真諦
即睇：林建明 賈思樂 爆盧海鵬風流多女友 感性剖白患情緒病辛酸 爆笑互窒對對碰 分享71歲凍齡秘笈
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
