發佈時間：15:18 2025-12-12
盧瀚霆（Anson Lo）教主一連五場演唱會《ANSON LO "KINGDOM" LIVE 2025》昨晚(12月10日)在亞博完滿結束。Anson Lo完成個唱後接受訪問，他坦言演唱會順利完成令他感覺如釋重負，自評表現約有80分，認為仍有不少地方可以改善。他表示自己成長了許多，投入程度亦比以往更深。而Anson Lo在台上與「神徒」互動時，就自言屬於I人、性格害羞，從來不算風趣幽默，但每次上台看到粉絲創造出來的紅海，都會感到一種魔力支撐着自己。
Anson Lo堅守「不再喊到收唔到聲」
今次開騷期間，Anson Lo多次忍住眼淚，他表示自己在2023年個唱時曾對自己承諾不會如上次唱《不可愛教主》般，喊到收唔到聲，要大家幫自己唱歌，感覺很不專業，所以今次同自己講一定唔可以喊，即使喊都要唱到歌。Anson Lo亦分享，有幾晚差點被神徒的反應感動到落淚，全靠演唱會監製莊少榮（細榮）提醒：「我即刻耷低頭呼吸，細榮老師喺耳機提我『返嚟，起歌喇』，我慢慢呼吸再唱。我想以表演為先，情緒放後，無論好與壞，都要完成首歌俾大家睇。」
神徒提醒要愛自己
Anson Lo接受訪問時，被問到看不看到台下神徒們全部都高舉寫上「多謝盧瀚霆」的字牌，Anson Lo坦言近來壓力沉重，一直以來都很多謝神徒們的鼓勵與支持，才能站在舞台上，不過神徒們都認為自己都要多謝自己才可：「好多神徒都叮囑我要愛自己、愛錫自己多啲，所以佢哋全部同一時間舉起同一句字的字牌，要我多謝自己，唔好對自己太過嚴謹，係嘅，佢哋都講得好啱，我都要多謝自己先得！」
Anson Lo即嚐爆紅肉餅飯
教主為了Keep26吋腰，以最佳狀態示人，他在個唱前，已經開始多菜少飯兼努力操練，完成個唱後，Anson Lo笑言慶功宴終於有飯及米線等美食，但仍不會太放肆：「大家見到嘅腹肌同人魚線，呢世都會keep住，希望有工作要我除衫都 OK。」Anson Lo坦言近期很想試食元朗大寶冰室的肉餅飯：「所有social media都講到味蕾炸彈咁，好誇張，令我幾日都好想食，但呢幾日唔可以放肆，好痛苦。」昨日（12月11日）Anson Lo真的坐言起行，品嚐了大寶冰室肉餅飯外賣，並留言「元朗大寶冰室，全亞洲最優秀嘅肉餅飯，大件夾抵食，堪稱味蕾炸彈，鄰近西鐵站、巴士總站，交通方便。我食飯喇！」
《東周網》訪談系列節目《星桄伴我心》12月重磅嘉賓：
即睇：「海馬」老闆鄔友正因翁嘉穗重病痛哭 妙論太太係老虎乸 徙置區小子創富路
即睇：佘詩曼公開美魔女育成秘笈 感傷最後道別許紹雄 驚險慈母心臟停頓20秒
