發佈時間：16:00 2025-12-01
《中年好聲音4》第二集《決戰美加澳》昨晚（30日）再誕生多3名5燈選手，分別為莫煥基《霧之戀》、鄭家聲《他不愛我》及袁帥《想你的夜》。當中有15年聲樂導師經驗的袁帥，憑藉超強唱功、勁靚假音、真假聲轉換的悅耳及順暢度贏盡好評，短短半首歌已橫掃5燈佳績，連「手緊王」張佳添和周國豐都讚不絕口。
袁帥成表現最好參賽者
對於袁帥的表現，評審之一的谷婭溦坦言：「一邊聽，一邊好興奮！你真係好好，你有做到Enjoy呢個舞台，當我哋畀晒燈你嘅時候，你更加有自信，仲畀多咗好多嘢出嚟。」周國豐則說：「確實係今集表現得最好嘅一位參賽者，恭喜你先！你好適合去唱R&B或者唱Jazz嘅歌，因為你嘅音樂感好好，我好鍾意聽你啲Ad Lib。溦溦老師話你去到後半部份係有啲玩嘢嘅，但係咪咁易玩到？又確實唔容易嘅，你仲係玩得好添！」
袁帥唱出最難一首歌
張佳添續稱：「係爽嘅！成晚10首歌，呢首係最難唱嘅一隻，原本我冇乜期望，唔好炒粉已經好好。點知成晚3個5燈，你係最5燈嗰個5燈。」肥媽笑言：「好難得有一位參賽者係越聽越有嘅，唔怪之得啦，原來學聲樂！」值得留意的是，袁帥2012年曾參加過無綫全球華人新秀歌唱大賽，當時成功打入全球前5名，歌唱實力早已獲得肯定。另據車婉婉透露，袁帥原來為了參加《中4》，成功減掉75公斤，令溦溦驚訝到O嘴。
莫煥基來個「臨尾走音」
至於另一名5燈選手 「溫哥華林利」莫煥基，不但樣子青靚白淨，唱功亦相當不俗，獻唱《霧之戀》時，唱到第一段副歌的「永在我心」之際，竟吸引了溦溦及周國豐9秒9一齊撳燈，周國豐見到「真身」後，還忍不住驚歎：「佢好後生！」而再唱到「你那眼中都有我」時，海兒及張佳添亦爭住撳埋，張佳添更忍不住邊撳邊大叫：「好！」但美中不足而又搞笑的是，當5位評審畀完燈後，莫煥基竟來個「臨尾走音」，令評審們忍不住為他大感好彩。肥媽說：「你走早一句都冇5盞燈吖，你有自己不特止，把聲係靚嘅。」海兒續說：「你嘅聲音好有辨識度、幾有張力嘅。」
「中4版吳大強」有望晉級
昨晚一集，還出現了一位與首季吳大強一樣熱愛唱老歌的年長參賽者，他就是現年57歲、獻唱《月亮代表我的心》的魏文財。雖然文財唱不出歌曲應有的柔情，周國豐更笑言他唱得像暗殺多過示愛，十分搞笑！但最終因為文財的個人特色及靚聲，還是奪得3燈成績有望晉級、並成為「中4版吳大強」。肥媽表示：「我諗佢對電腦對得多，好少同女人溝通，『輕輕的一個吻』幾時有輕輕啫？不知幾咁肉緊。點解要咁樣同人唱情歌呢？但係佢把聲又ok㗎喎。」周國豐直言：「你嘅版本係似暗殺咯，不過係有唱老歌嘅味道嘅，把聲都幾吸引。」溦溦大讚：「你把聲好Charm、幾靚！」
延伸內容：中年好聲音4︱ 海兒激讚前準歌手鄭家聲真誠有深度 「學霸級林峯」基本功夠好
延伸內容：中年好聲音4｜71歲鄔友正撐著拐杖現身 總結面試嚴重失準3大因
延伸內容：陳逸璇參加《中年好聲音4》海選 事業愛情兩失意 靠音樂重新出發
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
即睇：「億萬駙馬」伍富橋：人人以我唔使做！爆太太出招試探人品 永不忘被外父羞辱係鴨
立即追蹤《東周刊》全新WhatsApp頻道，緊貼全城熱話、突發猛料、獨家消息！
