發佈時間：13:10 2025-11-26
《中年好聲音4》第二集為《決戰美加澳》，將於本周日（30日）晚播出。本季除了車婉婉，還加入了鄭衍峰做主持。《中4》共設香港、大灣區、新馬、美加澳及 TVB 藝人五大賽區，評審為肥媽、周國豐、張佳添、海兒及谷婭溦（溦溦）。賽制方面，第4季增設「盲選」，每位參賽者均只能以「歌聲」吸引評審撳燈，獲得0-1燈的參賽者將立即被淘汰，2-4燈選擇入等候區等待翻盤機會，5燈選手可直接晉級。
新增「盲選」賽制將誕生3名5燈選手
繼第一集後，第二集共有10位參賽者，包括：莫煥基《霧之戀》、朗尼《想說》、廖潔韻《戀戀風塵》、古祖兒《女人心》、魏文財《月亮代表我的心》、鄭家聲《他不愛我》、劉子銘《一生不變》、許雪榕《囚鳥》、謝昉益《睡公主》及袁帥《想你的夜》，將再誕生多3名5燈選手。今日（26日）官方率先公布其中一名5燈選手，他是現年35歲、來自加拿大的現職髮型師鄭家聲（Nelson）。
海兒激讚鄭家聲歌聲真誠有深度
Nelson唱出莫文蔚名曲《他不愛我》，除了一開聲已令溦溦驚呼：「哦？」，也令肥媽直呼「毛管戙」，更獲得於第4季中明顯手緊的張佳添的高度評價：「我成日講層次感，呢位參賽者就展示到嘞！開頭用咗啲好靚嘅氣聲，入咪又唔會Over。咁樣聽把聲好Sexy，要痛有痛，要慘有慘，要柔有柔，要剛有剛。我係一個男人聽到呢首歌，我都Feel到你嗰種男人嘅痛。」
海兒則大讚Nelson歌聲夠真誠：「你把聲除咗Sexy，仲好真誠好有深度。你嘅Jaw Muscle好鬆，導致你瞬間爆發力做得好好，喺唔用力太多嘅情況下可以爆到去嗰個位，非常Nice，期待你之後嘅其他歌曲。」同樣被感動的車婉婉，亦忍不住搞笑問：「老老實實，你畀人飛咗幾多次？」
鄭家聲苦等年半無緣出道做歌手
原來Nelson於2015年曾簽過公司準備出道做歌手，可惜最後苦等了一年半都冇聲氣，並受盡冷言：「我嗰時27歲，有人同我講：『你呢個年紀唔係幾討好架喇』、『記住你個樣，唔係一個靚仔嚟嘅！高度啊、年齡啊、就算唱得幾好都唔駛諗』，當時我有少少氣餒嘅。」
Nelson直指直到有《中年好聲音》的出現，令他重燃追逐音樂的夢：「突然間香港有一個咁嘅比賽，令我好驚喜，我係咪仲有機會呢？」他笑言自己一達到參賽年齡最低門檻，便馬上報名參加。
「靚聲女高音」許雪榕被讚唱得之人
這集絕對可以說是高手雲集，有前準歌手之餘，還有「靚聲女高音」及「學霸級林峯」。先說「靚聲女高音」許雪榕，獻唱《囚鳥》的她，一開聲清脆的高音超級悅耳動聽，加上滿滿的感情，獲得評審們一致肯定是唱得之人。肥媽說：「一開聲，一定係Classical底，有氣量、有音域、有音色，佢真係唱歌嘅料。」張佳添續稱：「聲底靚，我覺得係唔錯，有Potential，呢隻歌你唱得Ok，有起伏，牽動到我哋。」
「學霸級林峯」謝昉益擁3個碩士學位
至於被評聲底有點像林峯的謝昉益，獻唱高難度歌曲《睡公主》獲讚基本功夠好，海兒表示：「你基本功全部都唔錯嘅，拍子、音準同氣都幾好。」周國豐接着說：「我覺得你聲底有啲似林峯，會唔會係日後你一個揀歌嘅選擇呢？」值得留意的是，現職澳洲註冊心理諮詢師的謝昉益，也是學霸一名，共擁有3個碩士學位，分別是Sustainability、幼兒教育及心理諮詢，相當厲害。
延伸內容：中年好聲音4｜71歲鄔友正撐著拐杖現身 總結面試嚴重失準3大因
延伸內容：陳逸璇參加《中年好聲音4》海選 事業愛情兩失意 靠音樂重新出發
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
即睇：「億萬駙馬」伍富橋：人人以我唔使做！爆太太出招試探人品 永不忘被外父羞辱係鴨
立即追蹤《東周刊》全新WhatsApp頻道，緊貼全城熱話、突發猛料、獨家消息！
