更新時間：20:27 2025-11-13
發佈時間：20:27 2025-11-13
發佈時間：20:27 2025-11-13
由黃德斌、衛駿輝和梁非同等領銜主演的摩登粵劇《頂頭鎚》，今日（13日）於香港文化中心大劇院正式公演。黃德斌坦言參演這部粵劇有點緊張，皆因預計不到觀眾的反應，慶幸劇中內容情節豐富，有唱有唱，又笑又有淚，更自認歌唱技巧比起開始時已有少少進步。
黃德斌指唱歌是新體驗
在劇中擔綱演出的黃德斌，受訪時透露心情：「有丁點兒緊張，不過每次開Show我都係咁，同埋唔知道觀眾嘅反應會係點？但係我哋呢套劇乜都有，有做有唱，有笑有淚，亦都有感人嘅情節。」談及在台上唱歌，他笑稱：「我覺得我嘅歌唱技巧只係同開始嗰陣有少少進步，但對我嚟講真係一個新體驗。」
衛駿輝穿時裝演街巿仔
至於有份演出的粵劇名伶衛駿輝表示：「𠵱家係充滿期待嘅心情，同團隊合作得好開心，今次將粵劇同舞台劇融合喺製作當中，平時我喺粵劇做公子哥兒，但我喺《頂頭鎚》係做一個街市仔，而且仲係着時裝，真係花咗唔少時間同工夫去做呢個角色。」
梁非同首演粵劇聯乘話劇
而粵劇界新貴花旦梁非同則稱：「今次係我第一次演粵劇Crossover話劇，不過德斌哥哥好謙虛，佢唱歌進步得好快同好穩定。今次參與呢個劇，令我跳出平時嘅舒適圈，好似平時做粵劇嘅抑揚頓挫，或者咬字都要接近番現實，德斌哥哥就要比平時拍劇跨張少少，所有演員都喺度調整，今次對大家嚟講，真係一個好難得嘅學習機會。」
《頂頭鎚》幕後陣容強勁
《頂頭鎚》由陳善之監製，胡恩威執導，並改編自陳敢權原著劇本，還邀得楊健平進行粵劇改編及作曲，開演前特別設立下午場次，邀請10間中學學生率先觀賞。其餘場次分別為星期五至日（11月14至16日）晚上8時正，以及11月15日（星期六）下午3時正，現尚餘少量門票於進念購票平台和城市售票網公開發售。
最Hit
