發佈時間：10:00 2025-11-14
雖然現今的香港樂壇並不景氣，但著名音樂監製伍樂城（Ronald），完全無懼市場的風風雨雨，早前便在自己的音樂學校千挑萬選了6位13至16歲精英，組成了女團Honey Punch 。
Ronald坦言：「我哋嘅音樂學院，靚女有好多，但係呢6個女仔每個人都有佢哋嘅獨特性，同埋佢哋有着未爆發出嚟嘅潛力，有啲跳舞叻、有啲唱歌叻、有啲演戲叻，喺過去幾個月嘅特訓裏面，佢哋互相照顧、學習，完全冇妒忌嘅心態，令到呢個團隊不停咁進步。」在樂壇打滾近30年的Ronald，為了這對組合使盡渾身解數，她們推出的兩首新歌〈滑到入心〉和〈蝶式〉的MV，由音樂、拍攝、形象、化妝、服裝指導、排舞到後期製作，力臻完美，當真不計成本力捧。
這隊6女組合各有擔當，Alma是可愛的代表，她笑說：「我長處係跳舞，亦都參加過唔少跳舞比賽。可能因為我年紀比較細，只得13歲，所以佢哋都覺得我係特別可愛，喺團隊裏面比較青春活力。」而出道已經一年多的Colour，有過不少演出經驗，難怪口齒伶俐，她表示：「我係一個童星，所以我講嘢比較叻。我拍過唔同嘅戲，同埋好多唔少嘅政府廣告，我對住鏡頭完全唔驚。」
擔當副隊長的Jacey最喜歡Rap及跳舞，她表示：「我識自己填詞，所以我Rap嗰啲歌，可以填啲表達到自己嘅詞。」至於隊長Casey，就是6人裏面，加入音樂學院最早的一位，也是最懂得照顧人的一位，所以大家都推舉她做隊長，她坦言：「可能我嘅資歷比較深，同埋我亦都係6個裏面最大年紀嘅，我可以負責照顧佢哋。」
自稱舞蹈擔當的Keira，自小就已經習舞，她開心的說：「好多謝父母俾我兩歲就開始學好多種唔同嘅舞，例如有中國舞、爵士舞，最近就學緊Hip Hop。」
最後身材高挑的Chelsa ，就是團隊中的顏值擔當，既擁有22吋半的纖腰，又有白滑的肌膚，並且唱得又跳得，她直說：「我嘅骨架同埋身形嘅比例比較平均，所以啲隊員都覺得我係形象擔當。」6個女仔各司其職，只要一條心，哪怕前路險阻重重，都能夠一一跨過！
延伸內容：相隔8年出新歌 曹敏寶搵鏡仔御用音樂監製坐陣 曬足全日拍MV
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
立即追蹤《東周刊》全新WhatsApp頻道，緊貼全城熱話、突發猛料、獨家消息！
