發佈時間：15:31 2025-11-10
容祖兒跟師弟曾比特（Mike）和搖滾樂隊Daze In White的鄭宗健（Felix）及李肇航（Eugene），昨晚（9日）獲邀擔任在廣州「廣東奧林匹克體育中心」舉行的「2025第十五屆全國運動會」開幕禮表演嘉賓。剛加入公司的Mike，首個Job就能登上如此大的舞台，他表示既興奮又緊張，為此做足功課，望大家會滿意他的演出。
容祖兒跟師弟任全運會嘉賓
昨晚開幕禮的「第三章《同夢同圓》：成世夢圓」環節，由容祖兒、Mike和Daze In White及另外3個單位一齊演出，組合既有新鮮感，歌曲又氣勢磅礴，容祖兒跟Mike更企正C位，大家同台合唱主題曲《龍騰伶仃洋》，現場氣氛熾熱！
容祖兒開心跟師弟同台演出
演出過後，容祖兒興奮稱：「好榮幸有機會喺全運會嘅開幕禮演出，希望大家都可以喺全運會入面搵到屬於自己嘅夢想。」提到帶着師弟們出大場面表演，她笑言：「唔好咁講，大家差唔多年紀，我早出道啫，哈哈！」她續稱好開心可以跟他們一齊演出，感覺好有新鮮感，並指出：「佢哋把聲好有力量。」
曾比特演出前做足功課
而剛加入公司的Mike，首個Job便是在大型盛事中任表演嘉賓，他坦言獲邀請時已十分驚訝，Mike說：「當知道合唱嘅對象除咗大師姐，仲有同門嘅樂隊，同埋有澳門、廣州代表嘅時候，自己都有少少緊張，所以事前做咗好多功課，一路練習，又Send俾導演聽，等佢俾啲意見，我可以點樣演繹得更加好，希望大家會滿意！」
曾比特首登大舞台好興奮
表演完的Mike，坦言這是他人生第一次面對那麼多觀眾，所以難掩興奮之情說：「最開心就係一首咁激情嘅歌，有咁多人同我一齊去演繹，個人自不然就會有一種好激動嘅感覺，所以我好Enjoy今次嘅舞台，真係好開心！」
至於Daze In White的兩位成員Felix及Eugene則分享道：「我哋希望透過音樂，令大家感受到團結同友誼嘅力量，呢個亦正正係全運會嘅精神！」
延伸內容：容祖兒街頭放送 幾百人迫爆等派糖 J.Arie路過被捕獲
延伸內容：曾比特加盟新公司形象大改造 晒嚿嚿腹肌Man爆登場
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
立即追蹤《東周刊》全新WhatsApp頻道，緊貼全城熱話、突發猛料、獨家消息！
