發佈時間：14:48 2025-11-06
於電影《媽媽的神奇小子》中飾演少年蘇樺偉嘅馮皓揚（羊羊），憑該片奪得第40屆香港電影金像獎最佳男配角，之後他加入TVB藝員訓練班，並參演了幾部劇集，近期馮皓揚再憑着劇集《巨塔之后》飾演鎮業患有驚恐症嘅兒子而廣受注目。
校長Momo拍片控訴馮皓揚母子
日前，前小童星訓練學校校長Momo（巫麗儀）就拍片控訴馮皓揚（羊羊）和他的媽媽多宗罪，更直言羊羊母子「喺我背後狠狠咁插我一刀」。前小童星訓練學院創辦人Momo校長就透過她的個人社交平台發布影片，留言寫道：「成三年幾啦，我諗咗好耐，今日決定將塊傷疤揭開。點解？就係想用我嘅教訓，等所有心腸好、成日無條件付出嘅人睇清楚，學識點樣保護自己，千祈唔好好似我咁，做咗老襯至嚟後悔。#第40屆金像獎男配角 #馮皓揚」。
直斥兩母子在背後 狠狠地插她一刀
片中她表示：「我親手將我的學生培育成第四十屆金像獎男配角，點知我冇諗過係佢兩母子喺我背後，狠狠地插我一刀。」之後又話自己試過有一個家長同她講，因為冇錢交學費，求她畀個小朋友免費到她的訓練學校上堂，她因為一時心軟就應承了，但後來就發現這個小朋友的屋企是開髮型屋同做生意的。校長Momo就話自己最痛是自己把這個小朋友當成自己兒子般地教學，收少幾年學費外， 更用盡人脈及力量，推佢上金像獎的舞台，更贏得金像獎最佳男配角。校長Momo：「我坐喺頒獎台下，台佢喺領獎台上講聲多謝，點知由頭到尾一個字都冇，之後佢為咗劃清界線，仲要同人哋講我哋嘅課程唔係咁正規，周圍唱我，完全否定咗我5年嚟嘅心血同埋專業。」
無條件同馮皓揚解10年藝人合約
Momo又指為了令馮皓揚（羊羊）踏上更大的舞台，無條件地解咗本身和他簽下的10年藝人合約，親手送他到更大的舞台。Momo又話：「最終佢仲選擇謀財害命，嚟結束我哋呢一段關係」。Momo在片尾表示自己被背叛一事令她睇清楚無條件的仁慈，其實係等他人有機會傷害自己，由此領悟出一套道理，「要保持心地善良，但要帶眼識人」、「不要輕易信人，一旦心軟就有機會損失慘重，遍體鱗傷」、「對方唔珍惜自己的好心，就要立即斬纜」。
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
