發佈時間：10:00 2025-10-31
38歲的高海寧（高Ling）剛放完一個月假連去3個地方旅行，心情大靚，放完一個大假後火速投入TVB新劇《飛行日誌2》拍攝，事業為重的高Ling坦言工作排得滿滿，時間表已寫滿到2026年1月尾才會有空檔出來。高Ling事業得意，可是感情生活卻交白卷，談及愛情這個課題，她坦言自從好姊妹胡定欣結婚後，身邊很多朋友都特別關心她戀愛情況，更有不少朋友積極地為她做紅娘，介紹男仔給她。高Ling：「真係有好多朋友想介紹男仔畀我，但我都話我真係冇時間見面，而且我都冇時間去維持，可能連回覆短訊都冇時間去回，因為我真係日日都排滿晒工作，或者我有空閒啲，先會諗認識男朋友。」
高海寧：我好難鍾意一個人
高海寧事業心重，對於拍拖，她坦言有空才算，更何況是她坦言現階段「愛情與麵包」中，她會選擇「麵包」。高海寧坦言：「現階段嘅我，又真係享受工作多一啲，畢竟我都努力咗咁多年，現在得到大家的認可，大家都喜歡我，工作排得密密，我係好有滿足感的，我會好珍惜每一個機會。」至於就快踏入4字頭，高海寧就話結婚不能急的，因為都是緣份。「就好似定欣咁，我覺得我同佢有啲相似，當初佢都有同我講過單身咗咁多年，都好似冇乜機會揾到一個男仔，而我現在嘅情況係我好難鍾意一個人， 我好難遇到一個我鍾意嘅人，同時間佢又會鍾意我，我覺得有好有難度，所以在這個人出現之前，我唔去諗，做好自己先，將自己變成一個獨立又發光的人，比揾另一個人給我去依附更好。」
曾追求心動感覺 現在求心安
現年43歲的胡定欣（Nancy）單身多年，終於在今年10月6日宣佈與醫生男友陳健華Akin結婚，而為她牽紅線的人，正是有「金牌媒人」之稱及主持戀綜節目《女神配對計劃》的林盛斌（Bob），既然林盛斌為好姊妹胡定欣揾來一段大好姻緣，高海寧又會唔會揾林盛斌幫幫手呢？「首先公司冇揾過我參加《女神配對計劃》，其次我都不會參加，因為我嘅工作已經喺鏡頭下面，我好希望我嘅私生活會留返畀我自己。」愛情要講緣份，高海寧表示對於理想伴侶沒有一定的選擇條件，基本的是要有智慧和大家可以溝通得到。「以前我年輕之時，我會追求心動感覺，現在我更加希望兩個人相處有一種心安的感覺。」
