更新時間：18:50 2025-10-30
發佈時間：18:50 2025-10-30
發佈時間：18:50 2025-10-30
香港首個大型音樂劇盛事「香港音樂劇節 2026」將於 2026 年 1 月 11 日至 2 月 8 日在香港西九文化區隆重舉行，黃劍文、葉巧琳、香胤宅、雷深如 (J.Arie)、吳倩怡 (Sinnie@Lolly Talk)、譚永浩、黃奕斌、陳凱彤等日前出席記者會，即場演繹精彩選段歌曲，為明年1 月舉行的音樂劇節揭開序幕。
黃劍文為演出操練身材
黃劍文表示自己再演《為你鍾情》感興奮，笑言要操練身材：「因為覺得自己肥咗啲啲，怕著唔翻上件啲衫，所以要Keep Fit！其實我靠呢個騷啟發我跳舞嘅細胞，想由跳唱路線出發！」而葉巧琳表示忙於舞台劇工作，稍後才與劍文「朝夕相對」：「因為我忙緊另外一套舞台劇，要喺嗰套劇完結咗、同嗰邊個老公『離婚』之後，先會埋位排戲。其實今次我哋有首合唱唱歌會派台，非常期待排練嘅日子，因為劍文啲Fans會不時應援，所以好有口福。」
Lyman笑言生唔出「Sinnie」
而香胤宅(Lyman)、雷深如今次喺音樂劇《愛登士家庭》中飾演夫妻，Lyman笑言自己都唔年輕，不過應該生唔出「Sinnie」：「我覺得英文劇本應該會易記啲，所以有啲擔心中文場次會比啲fans笑！雖然唔係我第一次做舞台劇，但係同呢兩位對手合作好興奮，希望可以透過綵排了解佢哋更多。」
Sinnie今次劇中又唱歌又跳舞，佢就表示非常期待演出！提到早前女團Lolly Talk財務傳聞，呢日佢現身自然成為焦點：「我哋繼續有糧出，所以應該就冇爭公司錢嘅，其實咁多個團員都有好多工作！我其實你話俾身邊嘅人知我會做音樂劇，因為我覺得佢哋會『睇小我』，希望到時台上嘅演出令到佢哋有surprise！」
最Hit
