發佈時間：16:43 2025-10-27
傅穎（現名：傅寶誼／Theresa）相隔9年，昨日（26日）終於返港舉行粉絲見面會，更連開兩場。Theresa坦言原本回港工作冇計劃搞FM（Fans Meeting），但在朋友慫恿下「的起心肝」進行，竟有意外驚喜：「諗住得十幾廿個Fans嚟，點知搞到要分上下兩場；如果大家真係咁鍾意聽我講嘢，下年可能會搞個大少少嘅Fans Club Gathering。」粉絲即報以熱烈掌聲。
星馬粉絲即日來回撐場
今次除了傅穎的香港Fans，還有3位來自星加坡和2位馬來西亞粉絲專登搭飛機來港撐場，而且是即日來回，認真Die Hard；亦有跟隨Theresa多年的粉絲帶埋3歲囡囡來參加聚會。
見面會一開始，Theresa先跟每位粉絲合照，之後回答在網上收集粉絲的問題。而粉絲的問題「五花百門」，由近況到未來工作計劃、Cookies會否合體、旅遊見聞、養貓心得、曾經歷的鬼故、開心事、直播背後，以至心態分享、人生觀、愛情觀、生死觀及佛偈等。雖然「問題多多」，但Theresa都一一詳細解答。
傅穎自爆比出道重了10kg
談到近況，傅穎爆Seed說：「本人比你哋最初認識我嘅時候重咗10kg！」台下粉絲即喊：「真係睇唔出！」氹得Theresa笑逐顏開。隨後Theresa分享人生哲理：「該遊戲嘅時候遊戲，該工作嘅時候工作。」她指香港人終日一股腦去衝，但其實生活有很多種方法，「每個人時間表都唔一樣，唔需要隨波逐流，要有自己嘅節奏。」
至於愛情觀，Theresa更加玄妙地回答：「所有感情都係緣起緣滅，緣聚緣散。對於身邊人唔需要太過執著，分分合合係世間常態。」台下粉絲聽到不停點頭。
對Cookies合體持開放態度
今次粉絲帶齊歷年珍藏，包括傅穎的CD、寫真集、小卡跟舊合照，還有多年前的生日卡，搞到Theresa不停話「好感動」！期間Theresa唱了幾句即將推出的廣東歌，又跟男粉絲合唱，令現場氣氛更加熱烈。至於Cookies合體問題，Theresa保持開放態度：「呢個世界係冇絕對，我唔可以話一定會或者一定唔會，凡事有兩面。」至於點樣面對網上負評，她表示：「最緊要係自己個心態，其實係冇人可以傷害到我哋。」
自言做直播後變得Talkative
Theresa又指做直播後，令自己改變了不少，她解釋：「大家可能發現我Talkative咗，其實我以前唔係好講嘢。」並笑言習慣了沒有人給反應的時候，自己都可以說很多話：「其實有少少解放天性，因為以前唔係好想表達自己，或者我唔識表達自己，𠵱家多咗方式去表達自己，係成長嘅一部份。」她還稱直播令自己更加貼地，更加懂得站在別人立場去想。
延伸內容：傅穎缺席鄧麗欣個唱 Theresa曾公開被排擠 多年來屢傳「不和」
延伸內容：傅穎40歲生日Miki陪慶生 宣布改名「傅寶誼」去舊立新
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
即睇：鍾鎮濤與范姜「姜濤戀」有火花對談 拍《巨塔之后》床上戲心得
立即追蹤《東周刊》全新WhatsApp頻道，緊貼全城熱話、突發猛料、獨家消息！
