發佈時間：12:00 2025-10-19
賭王長房孫女何家華（Faye），自去年從英國返回澳門定居後，在朋友推介下，住進氹仔海洋花園一個高層兩廳四房，面積近3000呎的海景單位。入住前她悉心布置，喜歡舊物的她，將多年來收集的古董及珍藏品，悉數放於客廳和飯廳，令大宅尤如一所小型藝術展館。
「屋企擺嘅飾品都係我鍾意嘅嘢，有好多中式古董傢俬、大象擺設，瑪麗蓮夢露嘅畫，仲有喺慈善拍賣投得的70年代搖滾樂隊嘅簽名結他。呢間屋空間感十足，加上擁有一個無敵靚景，住得開心又舒適。」
英國遷回澳門
踏進何家華（Faye）位於氹仔的家，即被近千呎的巨形客廳吸引着，全屋陳設簡約雅致，客廳除了擺放了一套L形梳化、一張按摩椅，周邊亦放置多個中式古董櫃，中西合壁，Faye笑說：「屋入面嘅古董傢俬，都係我早年喺大三巴牌坊附近啲傢俬舖購買，不過呢類賣古董舊物嘅店舖已買少見少，故以前買落的古董櫃，我都會保存下來。所以屋內大部分傢俬和家品，都係早年跟我去完英國，到舊年再一齊返嚟澳門。全屋只有按摩椅係新買，因為外國唔興嘛，返到嚟買一張，真係按得幾舒服。」
除了大大件的古董傢俬，牆上四支由70年代殿堂級搖滾樂隊，包括THE Rolling Stone、AC/DC、U2和B.B.KING的簽名結他，及多幅瑪麗蓮夢露和英女皇的藝術畫，亦是亮點，「我好鍾意瑪麗蓮夢露，喺一啲慈善活動，投咗好多佢嘅藝術畫，其實仲有啲畫size再大啲，不過屋企唔夠位擺，放咗喺倉。仲有張《The Queen》，係喺英國出席event時購買。」
飽覽無敵靚景
大廳設有落地玻璃連接露台，光線充足，景觀開揚。「呢間屋係住喺呢個屋苑嘅朋友介紹，話景靚風水好，交通又便利。我嚟睇樓時，就俾個無敵靚景吸引，望出對岸去是珠海橫琴新區，右方亦可遠眺澳門半島的旅遊塔，白天唔開燈都好光猛。」
客飯廳，更擺放了不少她從世界各地搜攞的珍藏品，除了觀音畫像，更有不少大象擺設，「因為我覺得大象性格溫和又寧靜，所以自小就好鍾意大象，早年去到泰國買咗好多唔同造型嘅大象擺設，之後有次見到一尊象神好有氣勢，又請了一尊回來。」
她在英國居住時，亦不時會外出尋寶，「有些古董電話和雀籠等，都在當地的古董店購買，我就是喜歡一啲有歷史的珍藏品。」
MOP當客席DJ
回歸澳門後的Faye，積極尋找人生的新天地，既計劃拓展其擔任班主的FHO電單車隊陣容，又向DJ方面發展。半年前，她開始每月一晚在新濠影滙的人氣蒲點Club MOP當客席DJ，為了練習，她更在飯廳一隅，放置了一套打碟音響，「初初要學習兩首歌mix埋一齊，仲要啱beat都幾困難，於是我就買部機喺屋企不斷練習。最開心係開始儲到一班粉絲，每次我去打碟，佢哋都嚟捧場。」
兩年前已回復單身的她，笑言現在仔大女大，可以搵番自己想過的生活，「阿女21歲留喺英國讀fashion，阿仔都20歲，已經高過我喇，現時英國澳門兩邊飛。雖然我喺澳門大多時間都一個人住，但有家人、姑姐和朋友，加上有工作，時間過得充實。呢間屋租住咗一年多，住落覺得舒服OK，我會考慮喺呢區買間新屋。」
延伸內容：賭王何鴻燊孫女何家華 曾被封「賭王家族最慘孫女」 擺檔做小販逆轉人生
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
立即追蹤《東周刊》全新WhatsApp頻道，緊貼全城熱話、突發猛料、獨家消息！
