發佈時間：18:24 2025-10-09
星級化妝師Gary Chung（鍾日華）為ESPRIT忠粉，品牌於2020年因疫情撤出亞洲巿場時，他大感唏噓，難得品牌將於11月回歸香港。日前他與大學同學兼同為品牌粉絲江希文（Liz）到品牌香港總部，以一批80、90年代珍藏作搭配率先回味一番，Gary笑言開心又好玩，希望快點見到新品登場。
Gary讀中學時已與品牌結緣
Gary Chung自中學時期已與品牌結緣，他稱就讀皇仁書院時，品牌店舖正位於學校對面，每日目睹型格人士出入，因而對其產生好奇，「有次入去睇吓，一睇就鍾意咗當時五顏六色又好creative嘅設計，可惜嗰陣有得睇、冇錢買，要等一年兩次嘅大減價先去買。」
品牌撤出香港Gary感到唏噓
2020年ESPRIT撤出亞洲市場時，Gary坦言感到唏噓，「因為細個嗰陣真係好鍾意呢個品牌，但係時代轉變，佢又冇再好似以前咁捉到年青人嘅心，所以覺得好可惜。」幸好幾年前去韓國時，竟被他遇見ESPRIT，難得當時仲有少少品牌80、90年代的影子，所以即場掃了幾件貨品。至今Gary仍珍藏數件80、90年代的品牌單品，包括牛仔外套、T恤及一件已無法穿着的印花襯衫。
品牌即將回歸難掩興奮之情
對於品牌即將回歸，Gary難掩興奮之情，「聽講佢哋會做番以前嘅感覺，仲會加入好多新元素，連舖頭都揀返喺銅鑼灣開。」今次獲邀到品牌香港總部，雖然未能預覽新品，卻有機會親身體驗品牌珍藏數十年的復古服飾，他還邀請同為忠粉的江希文一同參與。原來江希文小時跟家姐江欣燕去TVB時，已成日穿着品牌的服飾，她稱：「可惜嗰陣冇影相，所以今次要補番。」
Gary曾在品牌店舖做暑期工
配搭過程中，二人不僅重溫昔日廣告造型，Gary更憶起曾在ESPRIT擔任暑期工的點滴，他笑言：「我哋兩個一見到啲衫就嘩嘩聲，因為有好多都係當年嘅signature piece；而我哋細個嗰陣淨係可以買到啲T恤仔，Liz同我都係最鍾意彩色針織衫，當年ESPRIT廣告都係用佢做主打。我仲記得當年做暑期工喺ESPRIT返工時，賣過邊幾件衫。」隨着新店下月開幕，Gary表示必定去朝聖，並計劃將舊有ESPRIT單品與新裝進行搭配。
Gary首次為同學江希文化妝
談及近況，Gary目前正修讀藝術與文化管理課程，他不諱言：「可惜因為化妝工作好忙，所以成日走堂。」他亦透露就讀理工學院設計系時，當年學校有三大美人包括江希文、歐陽妙芝和梁詠琪，但他只曾為梁詠琪及歐陽妙芝化妝，這次終於有機會為江希文操刀，並獲對方力讚，江希文已表示未來都會搵Gary化妝，所以他將會更忙。
江希文髮型：Esther Ng @ AMOUR HAIR SPA & SALON
延伸內容：徐子淇御用化妝師Gary Chung私藏遊東京貼士 $280平歎5星級酒店法國自助午餐
延伸內容：驅邪有法︱ 徐子淇「御用化妝師」Gary Chung 靠天然硫磺皂/艾油驅邪
延伸內容：化妝教學︱星級化妝師Gary Chung 教化最新泰式混血兒妝
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
立即追蹤《東周刊》全新WhatsApp頻道，緊貼全城熱話、突發猛料、獨家消息！
