更新時間：20:47 2024-03-21
發佈時間：20:47 2024-03-21
發佈時間：20:47 2024-03-21
早排興化韓妝，特色是眉毛粗又直，皮膚白白淨。但星級化妝師Gary Chung覺得香港人更適合化現在好流行的「泰式混血兒妝」，他解釋：「因可改善輪廓，令個鼻高啲、眼睛又大啲。」即刻搵嚟曾任模特兒的網紅兼化妝師楊佩佩（Pui Pui）作示範，睇吓化完係咪真係有立體感？
輕盈版適合去街
Gary表示以前的泰妝會濃啲、登台感好重，較適合襯晚裝，但今次教這個泰式混血兒妝是輕盈版，日常都可以化嚟出街，他續稱特別之處是可以好好運用個陰影，「例如個鼻影要打得均勻啲、細緻啲、自然啲，打得好會收埋個面形；而眉粗得嚟唔係畫粗佢，而係用風筒或小風扇吹起佢，咁條眉粗得嚟好立體，對眼望落去就好有神。」
最難黐假眼捷毛
而難度最高應該是黐假眼捷毛，因為泰妝的特色是眼大，所以眼捷毛要好長、弧度要做得好靚，Gary教路說：「如果要眼捷毛長，淨係搽捷毛液係唔夠嘅，可以試吓𠵱家最流行嘅黐假眼捷毛方法，就係將假眼捷毛切開3份，黐喺自己真捷毛個底度，咁收埋咗睇唔到個根部，好似自己啲捷毛好長、好翹咁！」
CC Cream透薄自然
其實任何年紀、任何風格都適合化泰式混血兒妝，他畀Tips說：「留意粉底係用CC Cream做，所以好透薄自然，如果你想自然啲，可以用淡啲嘅色；夜晚用番Sharp啲嘅色，所以人人都可以化呢個妝。」正常要用半個鐘去化靚靚版，如果趕時間，可用少啲顏色、做立體感即陰影和Highlight再減啲，咁就15分鐘都可以完成。
多練習便能成功
首次試化泰式混血兒妝的佩佩，表示平時最愛化韓妝，但估唔到化完呢個妝效果都唔錯：「輪廓立體咗，隻眼又大咗，因為用色Sharp啲成個樣都突出咗。」問她有信心自己化到這個妝嗎？她笑言：「睇多幾次就識，最難應該係黐假眼捷毛，但我會多啲練習。」
最Hit
