發佈時間：15:01 2025-09-25
《俠醫》昨晚（9月24日）播出的第18集，劇情講到飾演患自閉症的穎茵(譚凱琪Zoie飾演)，到醫院探望淑歡時，意外聽到世鏗（丁子朗飾）推淑歡（盧宛茵飾）落樓梯的驚人秘密，並因而招至殺身之禍，被追殺的過程觸相驚心，她的驚慌爆喊就連同劇演員都被她嚇到。
女兒追劇時 驚到爆喊
昨晚與陳豪、Zoie、張曦雯、馬貫東及丁子朗等齊齊直播追劇，均被Zoie的出色喊戲大大感動。而監製April亦大讚Zoie交足戲：「佢喊咗好多次，佢每一個Take都交足戲，Even拍Back Shot佢都係流緊眼淚。」搞笑的是，由於Zoie被丁丁「追殺」一幕拍得太逼真，Zoie女兒追劇時，一度因為擔心媽咪安危而爆喊。Zoie事後接受訪問時笑言：「佢見到丁丁襲擊我好驚，係都要攬住我；然後瞓覺嗰陣，佢又一路攬實我、問我點解畀人襲擊，又問我點解要匿喺個咁多人會見到嘅地方咯。」
Zoie大讚丁子朗做奸角冇得頂
Zoie續指這場醫院重頭戲、前後拍了足足兩天，單是追逐戲也花了一天時間拍攝，她當日全日保持住在好驚恐的情緒入面，同埋拍之前都會計一計每個位的驚恐程度有甚麼不同，準確功夫做到足。談到趣事，Zoie笑言由於劇情講述穎茵驚到跑甩鞋，故她當日拍攝要Keep住除鞋及着鞋，並謂吃得最多NG的，反而是跌倒那一場：「呢場動作戲我唔係拿捏得好好，一來要跌啱個位、二來要跌得似，所以我淨係嗰個鏡頭都拍咗好多Take，好多謝劇組事前畀咗護膝我戴。」與丁丁首度合作便要被「追殺」的Zoie，笑言丁丁做奸角冇得頂：「佢真係做得好自然，令到大家都好入到戲。」
延伸內容 : 俠醫│綠茶婊劉佩玥又嚟料 背心短褲淋水誘陳豪 張曦雯拍「自摸」戲最驚走光
延伸內容 : 俠醫｜同陳豪、劉佩玥鬥波超吸睛 鄧美欣獲讚球技一流 愛晒長腿派福利！
延伸內容 : 俠醫│網民勁Buy劉佩玥做綠茶婊 冧完老豆嗒個仔 大玩「重口味」！
延伸內容 : 俠醫│陳豪：我幫你揸住個波先 蝦碌片曝光 笑到「紅都臉晒」
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
立即追蹤《東周刊》全新WhatsApp頻道，緊貼全城熱話、突發猛料、獨家消息！
