發佈時間：17:15 2025-08-30
黃婉曼（Icy）和岑潔儀（Zoey）今日（30日）出席由星島新聞集團旗下《東周刊》於黃埔天地時尚坊舉辦的「第十二屆全港兒童繪畫分齡比賽」頒獎典禮。黃婉曼和岑潔儀自稱冇乜藝術天份、畫畫又差，相反子女自少已很喜歡畫畫，也會參加比賽。Icy兩個女兒今年暑期就曾到法國攞獎，她笑言畫畫可以培養子女發揮創意及表達自己；而岑潔儀就覺得畫畫有助兒子訓練小肌肉，學中國畫更可讓他們了解中國文化，好值得鼓勵小朋友學習。
今日《東周刊》舉辦的「全港兒童繪畫分齡比賽2025」頒獎典禮，除了有黃婉曼和岑潔儀出席外，主禮嘉賓為教育局副局長施俊輝博士，其他頒獎嘉賓還包括星島雜誌集團總經理兼《東周刊》總編輯任展興、《東周刊》業務總監林建釗、當代水墨藝術家何紀嵐、香港藝術家及設計師施德燕及香港設計師協會前主席梁昆剛。此外，還有很多小朋友和家長參與，場面熱鬧。
黃婉曼望透過畫畫培養女兒想像力
育有分別8歲和6歲囡囡Kyra和Kaitlyn的黃婉曼表示，兩個女都超鍾意畫畫，她笑言：「佢哋細細個已經好鍾意，𠵱家每星期都會學畫畫2次，而且都會參加好多比賽，呢個暑假就同佢哋去咗法國攞獎，仲喺羅浮宮展出得獎作品，佢哋都好有成功感。」
問Icy有否從女兒細個時就培養她們畫畫的興趣時，她續稱：「畫畫係我第一樣想佢哋做嘅嘢，我本身畫畫好差，但我希望佢哋透過畫畫培養到想像力同創意，同時可以表達自己嘅內心同情感，因為畫畫都係一個發洩途徑，睇到佢哋嘅畫，就知道佢哋諗啲咩、鍾意啲咩、心情係點。」
而Icy對於女兒參加比賽較隨緣，有就會鼓勵她們參加，而女兒亦會給她很多驚喜。好似她的大女Kyra有次參加跳舞比賽，平時好文靜的她竟然奪得金獎；而怕醜的細女Kaitlyn，參加普通話朗誦比賽亦發揮自如，她指出：「最緊要畀小朋友一個舞台、一個機會，佢哋就會有超乎你想像嘅表現。」
岑潔儀表示畫畫有助兒子訓練小肌肉
岑潔儀育有兩個分別10歲和6歲的囝囝Damian和陳顥昇，她稱兩兄弟都都好鍾意畫畫，尤其是細佬，「佢最近下載個畫畫App，跟住個App畫啲動物同花草樹木，畫得好開心，所以佢一路叫我帶佢學畫畫，佢特別對中國畫有興趣。」
問Zoey有否從兒子細個時就培養他們畫畫時，她續稱：「其實冇特別培養，但老師會鼓勵佢哋學畫畫，訓練啲小肌肉，所以佢哋細細個我都會俾佢哋學畫畫。」岑潔儀笑言：「其實我自己畫畫都好差，冇乜藝術天份，但老師好有心機教佢哋，俾佢哋玩紙黏土，唔同嘅Arts都會俾佢哋試吓，所以佢哋畫畫雖然好似媽咪咁冇乜天份，但佢哋都鍾意嘅。」
原來岑潔儀每年老公生日，她都會叮囑兩個兒子畫一張生日卡送給爸爸。問她有鼓勵兒子參加比賽嗎？她說：「細佬有試過參加，因為佢學畫畫嘅畫室有鼓勵學生參加比賽，可惜暫時未攞過獎。」她表示《東周刊》每年舉行的繪畫比賽真的能鼓勵小朋友，所以定必支持。
延伸內容：前「新聞女王」黃婉曼大爆大台禁忌 方健儀戲外最似man姐？所謂辦公室政治係……
延伸內容：桔星高照 岑潔儀
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
即睇：楊思琦破天荒講跳水前度吳帥：「好多人話我貪慕虛榮！」 親揭神秘老公底細 收$1200傾偈5分鐘解謎 與13歲女兒獨家真情對話
即睇：譚俊彥大爆與李佳芯電話傾心事內容│太太放棄演藝事業下嫁│親解爸爸狄龍與姜大衛不和謎團
