發佈時間：12:51 2025-08-11
馮素波（波姐）向來注重健康，日前她應邀出席「健康有道・分享會」，以星級用家身份大談保健心得。波姐自爆曾是諱疾忌醫一族，直到身體響起警號，才明白想身體健康要超前部署，並呼籲大眾及早檢查身體：「要自己保護好自己，有健康做咩都做得好！」
波姐笑言「人生冇健康點生存」
年屆81歲的馮素波，早年透過香港演藝人協會認識「楷和醫療」，從而獲得多元化的健康支援。日前出席該機構分享會，更獲頒「星級用家」感謝狀，波姐笑言：「人生冇健康，點生存！」雖然說出來字字鏗鏘，但波姐也曾諱疾忌醫，她表示：「在我50幾歲時，身邊朋友成日話要驗身，佢哋30、40歲就去驗，我就唔去，總覺得：『一間舊樓去檢查，呢度要補漏，嗰度要裝修，實要執好多嘢』𠵱家先明白健康嘅重要性，所以近年會定期做檢查，畢竟人都係想長命啲，但長命得嚟要健康先有用！」
4年前一次懷疑腸癌經歷
能令波姐的起心肝關注長遠健康，全因為4年前一次懷疑腸癌的經歷，波姐續說：「當時因血色素低做檢查，之後照埋腸胃，令我最擔心係懷疑腸有Cancer，醫生當時話條腸有好多肉粒，仲有個幾厘米大住宿咗喺腸5至6年，一定要做手術切除，當時醫生仲發現膽都塞晒，慶幸膽石冇黐住個肝，所以一次過就切除埋膽、割埋五分一條腸。」波姐認為現在很多疾病都趨向年輕化，所以更應該趁年輕做足檢查，她不諱言經常向演藝界老友及身邊朋友推廣，有病就要搵醫生，等醫生對症下藥，絕對不要拖延。
波姐分享獨門飲食貼士
波姐即場分享獨門飲食貼士，她自小不吃辣、不吃煎炸及貝殼類食物，做演員時又會經常袋住餅乾，讓自己不會有肚餓的時候，好好保養胃部。而近10幾年更養成良好的食早餐習慣，她表示：「醫生話早餐好重要，初初我亂食早餐，飲杯咖啡加兩塊餅，但原來咖啡對我唔太適合，發覺自己有痔瘡，飲咗會有啲唔舒服，於是轉飲奶茶，但原來我又唔啱飲淡奶，於是再轉，𠵱家每朝食一隻烚蛋，增加蛋白質，另外每日只會食一餐澱粉質。」
波姐還更即席表演拉筋，柔軟度非常高；有10幾年瑜伽底子的波姐稱：「我近20年每朝都會拉筋10分鐘，亦會用丹田練氣，而且每日步行幾千步，我好鍾意出街，唔行多啲，對腳會冇力。」
延伸內容：馮素波主持飲食節目做試食評判 笑言絕不口下留情 有機會想參加《老友飯堂》
延伸內容：獨家直擊馮素波80歲生日派對現場！波姐以「八字」表心跡 陳寶珠被瘋狂集郵！
延伸內容：獨家直擊︱陶大宇馮素波high爆組「倒轉」聯盟 波姐自創「划艇手」反攻「水撥手」！
延伸內容：獨家直擊︱歐陽震華賀波姐生日激罕獻聲 飲歌原來係呢首！
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
