發佈時間：16:26 2024-08-08
相關閱讀：獨家直擊︱陶大宇馮素波high爆組「倒轉」聯盟 波姐自創「划艇手」反攻「水撥手」！獨家直擊︱歐陽震華賀波姐生日激罕獻聲 飲歌原來係呢首！
波姐喺大廳？波姐去咗開P喺宴會廳！從影超過70年、近年跨過界做YouTuber的資深演員「波姐」馮素波，在本周三（7日）於跑馬地大搞80歲生日大派對，大批圈中好友紛紛到賀，東周刊獨家直擊生日派對現場，歡樂High爆場面獨家放送！
馮素波相識滿天下，當中數情誼最深厚的，莫過於是在六十年代拍粵語片時，她和六位童星出身的女星結義金蘭，上契結拜成「七公主」。大公主是馮素波，至於二公主至七公主，分別是沈芝華、陳寶珠、蕭芳芳、薛家燕、王愛明及馮寶寶。
陳寶珠美艷如昔
在生日大派對上，久未公開露面的「二公主」沈芝華及「三公主」陳寶珠，難得現身出席派對，和「大公主」馮素波和「五公主」薛家燕溫馨聚首！沈芝華及陳寶珠狀態十足，依然美艷優雅，尤其「陳寶珠嚟嘞！」寶珠姐出現時，不少朋友上前問好打招呼，並把握難得的機會，紛紛要求合照，可見其魅力不減。同場更有商天娥、陶大宇、歐陽震華、田雞等外，更見三大星媽也在現場，包括：佘詩曼媽媽、古天樂媽媽及吳君如媽媽。原本馮素波有邀請古天樂，惟對方未能抽空，故交由媽媽做代表。
波姐爆美顏秘技
切生日蛋糕當然是重要環節，現場所見，生日蛋糕共有9個，其中一個巨型兼喜慶紅的蛋糕寫有「壽」字，其餘八個蛋糕更充滿心思，拼湊一起就是「齊齊整整開開心心」八個大字，是馮素波的生日願望。身為「大公主」的馮素波召喚三位公主陳寶珠、沈芝華及薛家燕，一起和她進行切蛋糕環節。期間馮素波更爆料，說其美顏秘訣是多得沈芝華過招：「佢叫我搵雞蛋白敷面！」
80歲領略八字真言
現場更有馮素波和七名契仔及契女的上契環節，上契前馮素波指八個蛋糕充滿意思：「初時佢哋（契仔契女）問我，係咪想要『福如東海 壽比南山』嘅蛋糕，我話唔係，因為我哋時時嘅對白係『開開心心 齊齊整整』！以前我認為呢兩句係好荒謬，原來到咗今年80歲，我先至覺得，原來好難有齊齊整整一家人、好難開開心心！結果我就要呢八個字，送咗呢個八個蛋糕！」
馮素波說今年11月初會舉行兩場慈善演唱會，問到「七公主」成團邁向60周年，可有慶祝活動？薛家燕說本來打算請大家去旅行：「不過佢哋都話好攰，咁就一齊食餐飯，我哋感情常在無所不談。」
全晚身為主人家的馮素波滿場飛，愈夜愈精神，期間大開金口唱粵曲外，又為高歌《倒轉地球》的陶大宇伴舞，High爆非常。今天波姐應該很高興，高朋滿座，充滿愛和情義，真的「開開心心 齊齊整整」！
