發佈時間：13:05 2025-08-04
「香港搖滾之父」夏韶聲（Danny Summer）一連兩場《LAST SUMMER》演唱會，前晚（2日）假紅磡體育館舉行，Danny邀請了師父竹田和夫、老友彭健新同台合唱Jam歌。而台下亦有多位藝人到場支持，計有「徒弟」陳小春帶同長子Jasper（陳胤捷)、盧冠廷和唐書琛夫婦、鄭丹瑞、廖碧兒、陳志雲、森美與父親、鄭子誠和劉倩怡夫婦、鄭國江老師、周國豐、黃劍文、陳敏之、嚴淑明、顏志恒及劉偉恒夫婦等。
彭健新竹田和夫出任嘉賓
Danny在60年代加入樂壇，特別邀請同期出道的彭健新一齊大彈結他Jam歌曲《Dance On》及《Little Sister》，演出完彭健新一度想落台，Danny即搞笑叫住對方，又指彭健新身穿珠片外套，亦曾經出唱片當歌手，上得舞台當然不止彈結他，應該要再獻唱，最終彭健新再演繹他的經典金曲《可愛的笑容》。
Danny又談到當年獲師父竹田和夫邀請到日本發展，跟師父巡迴演出時受到對方不少啟發，這次演唱會師父專程飛來香港做特別嘉賓，「我哋對上次同台演出，已經係15年前嘅事，昨天嘅事，今天我哋再度同台。」兩師徒除一齊演繹《今天昨天》和《New York Woman》外，竹田和夫還獨自表演《Red House》。
太空船搬上舞台大講UFO
Danny在《LAST SUMMER》演唱會上，由香港的童年時講到來自外太空的UFO，以音樂分享多年來人生各種經歷。Danny以往講外星人話題，一度成為熱話，今次演唱會舞台設計亦帶有外星元素，更將太空船搬上舞台，Danny在現場大談見到UFO經歷，還公開2008年在美國三藩市創作時，親身見到UFO的片段，「我唔係專家，只係見過兩次，一次係我作緊《天眼》隻碟時見到，佢閃吓閃吓咪影低佢囉！」
感激歌迷不離不棄眼濕濕
Danny在演唱《結他低泣時》一度感觸眼濕濕，再唱《永不放棄》後向台下觀眾道謝，「25年前喺紅館呢度，如果冇你哋喺度，就見唔到依家嘅夏韶聲，亦唔會到依家咁多年，你哋都仲有機會喺度，多謝晒大家！」令全場觀眾歡呼，Danny落台後觀眾大叫Encore，Danny再度出場大唱名曲《My Friend》及《空凳》。之後Danny大讚觀眾可愛，邀請全場觀眾跟他一齊大合照留念。之後再演唱經典金曲《交叉點》，全場觀眾跟着大合唱，場面感人，令Danny相當感動，邀請所有表演者到台前一起謝幕。
延伸內容：夏韶聲開Last Summer個唱 人生有轉變 : 從此走向另一個階段 !
延伸內容：夏韶聲預告師父竹田和夫擔任演唱會嘉賓 紅館第4次開騷有特別原因
延伸內容：夏韶聲8月個唱獲古天樂陳小春拍片力撐 旦哥鄭丹瑞平台優先訂票
《東周網》訪談系列節目《星桄伴我心》7月重磅嘉賓：
即睇：馬國明揭媽媽與張國榮秘密關係 認扮過曱甴陪襯黃子華 爆2千個短訊追求老婆湯洛雯 激罕示愛：希望下一世都一齊
即睇：「絕世好男人」陳豪爆閨房情趣 每晩床上必做一件事 揭獨門絕招 力抗女藝人愛上自己
