發佈時間：15:41 2025-07-16
今年書展於今日7月16日至7月22日在香港會展中心舉行。一如既往，一眾女星、model、網紅都會趁機推出寫真集，展開一場「吸金肉搏戰」，務求宅男大破慳囊。
今年最令人引頸以待的，一定是去年推出寫真月曆的林寶玉；可是，對出品極有要求的她卻說：「其實本寫真就唔會淨係得靚相咁簡單，我會喺入邊教人點樣做一個KOL，點樣去捧紅藝人……」Connie向《東周刊》提供寫真集內的部分性感靚相，好讓粉絲先睹為快！
延伸內容 : 2025年書展寫真戰率先睇 │性感網紅Coco挑戰性感極限 趕印第2版
延伸內容 : 2025年書展寫真戰率先睇 │「中女天花板」林寶玉20個國家取景
延伸內容 : 2025年書展寫真戰率先睇│濱崎真緒 給粉絲的「情信」
林寶玉20個國家取景
現年35歲、「中女天花板」的林寶玉（Connie），去年推出寫真月曆《璞》，賣個滿堂紅，1萬個月曆全部賣光。她笑言，原本家中預留了10本用來作為紀念，最後也賣了出去：「我真係自己一本都冇，個個都話想要，係咪真係影得咁靚呀？大家俾面啫！不過，嗰個坐枱月曆，我自己都好鍾意嘅，因為真係使咗好多錢，去咗歐洲4個地方喎。由於想多啲靚景，當年我真係自己都出咗10萬蚊左右補貼，但我覺得值得嘅。」至於賺蝕與否，Connie表示，只是想有個回憶及趁青春留倩影，所以完全沒有計算。
寫真集加入心路歷程
為甚麼今年書展未能推出寫真集？Connie解釋說：「因為我想本寫真集唔係淨係得靚相，我想入面有多啲我嘅心路歷程，𠵱家我教緊人做KOL，點樣剪片、點樣宣傳自己，我都想將呢啲資訊放埋入去，唔想本書淨係得啲相。」
月前，Connie到法國南部康城行紅地氈，她表示大部分靚相都是在當地拍攝。雖然書展未能推出，但她上月亦為這本寫真集到新加坡拍攝，同埋我希望能夠去齊20個國家影。」Connie笑指將這本寫真集的拍攝時間拉長，也是她減肥的最佳鞭策方法：「我想慢工出細貨，咁樣我就可以keep住減肥嘅狀態，哈哈！」不過，Connie就精挑了部分性感靚相好讓粉絲止渴，並會盡量趕在今年內推出。
