發佈時間：11:38 2025-06-18
一代「酒廊歌王」李龍基（基哥）的未婚妻王青霞﹙Chris﹚，於去年被控逾期居留、使用虛假文書，及違反逗留期間接受工作等，合共7宗罪，結果被裁定5項罪成，判監25個月。轉眼間，Chris已差不多服刑完畢，將於7月7號重獲自由，基哥就重申會履行承諾，Chris一出獄便結婚。
日前，本刊就發現，極度期待與Chris一齊過新生活的基哥，獨自到深水埗歎茶，兼添置日用品，為娶老婆做好準備。當日，基哥更鬼馬地買了一支具催情功能的玫瑰味香水，準備送給老婆仔，果然有心有力。
「爺孫戀」愛得癡纏
現年74歲的李龍基（基哥）與38歲的未婚妻王青霞（Chris），兩人的「爺孫戀」，一度成為城中熱話。當時，基哥被指將名下的物業全部轉給Chris，令網民擔心他變了「提款基」，但基哥就堅稱Chris純品又不貪財，所以從未擔心過，繼續愛得癡纏。其後，Chris卻因逾期居留、使用虛假文書，及違反逗留期間接受工作等，合共7宗罪，結果被裁定5項罪成，判監25個月。
事實上，在Chris入獄期間，基哥不但沒有變心，還癡癡地等她：「我平時做人好樂觀，天跌落嚟當被冚，但係今次真係唔得，佢入咗去嘅每一日，我都生不如死，牽腸掛肚，佢出到嚟，我一定要同佢結婚，俾個身份佢留喺香港。」
外間盛傳基哥會以百萬禮金迎娶Chris，他聽後立即哈哈大笑：「我同佢冇計㗎，婚禮我哋唔會大搞，佢都係心如止水，希望平平淡淡，兩個人過二人世界。」他又表示，婚後會買一架新車，與Chris在內地遊山玩水，日日過着度假般的生活：「內地咁大，好多地方都未去過，我哋第一個要去嘅地方應該會係雲南。以前我成日要工作，所以忽略咗身邊嘅女人，經過今次呢件事，我哋彼此嘅感情深厚咗，更加珍惜對方，我會用更多嘅時間陪伴佢。」
未婚書獄中寫410封情信
早前接受訪問時，基哥就拿出Chris在獄中寫給他的410封情信，情書開頭全是「親愛的老公」，閃盲眾人。當被問及在性生活上，他如何滿足比自己年輕36年的未婚妻？基哥立即表演做了30下深蹲，證明自己仍然有心有力，他又自豪的說：「老實講，男人到咁上下都真係要少少保養。唔係話必須食補身嘅保健藥物；而係飲食上要有節制。我幾自滿嘅，因為我生活幾正常，同埋keep住運動。」
一周行房十幾次 有心有力
此外，基哥又指自己會操得比現時更fit，為未婚妻出獄後「送大禮」。當被問及兩人一周行房多少次？他馬上哈哈大笑回答：「10幾次啦！」之後又改口：「正常啦！」不過，當被追問是否至少兩次時，他就曖昧的笑稱：「有時候唔止哦！可能身體好囉！」確實語出驚人。
不夠一個月，Chris便可以出獄，基哥坦言現在心情相當緊張及期待。而為了讓她出來後的生活更舒適，基哥已經在內地物色了一個新的單位。日前，本刊就發現，基哥正在忙於搜羅日用品，包括：內衣、睡衣及床鋪等等，幫Chris添置新物品，讓她快些投入新生活。現場所見，基哥當日還自動波地走到一間化妝品店，更請職員為他挑選一支玫瑰味香水，並二話不說便付款。據悉，玫瑰味香水具有催情作用，基哥鬼馬嘞你！
