發佈時間：16:30 2025-06-10
由張衞健（Dicky）、許志安、蘇永康和梁漢文（Edmond）組成的BIG FOUR，將於8月9日至11日假紅館舉行一連3場的「BIG FOUR HAPPY TO SEE YOU ALL演唱會2025」。四子相隔12年再度合體，早前公開優先訂票反應熱烈；今天（10日）門票正式開售。近日他們邀請同樣來自新秀的蘇志威和車婉婉一齊拍攝《BIG FOUR請食ReU飯》，互爆參加新秀時的秘密，包括許志安參加新秀是為了見一個人；蘇永康則指張衞健關心後輩原來是別有用心的。
蘇永康揀潮州菜館飯聚有原因
沒有新秀，就沒有BIG FOUR，無論事業抑或四人的友誼，一切都是從新秀開始。早前張衞健、許志安、蘇永康和梁漢文邀請同樣來自新秀的蘇志威及車婉婉拍攝《BIG FOUR 請食ReU飯》，並指定到銅鑼灣一間潮州菜館飯聚，蘇永康解釋：「因為當年新秀總決賽完咗，我哋係喺呢度慶功，所以呢度俾我哋好深刻嘅印象，係好值得回憶嘅地方。」
許志安參加新秀為了見一個人
一邊歎潮州菜，一邊話當年，提到為何參加新秀？許志安坦言：「其實我參加比賽係想見梅艷芳，但去面試時只係見到黎小田。」六人之中，張衞健是第三屆新秀冠軍，所以是眾人的大師兄。蘇志威稱當年選完新秀，有一段時間是幫大師兄張衞健排舞兼伴舞，到後來才獲梅姐梅艷芳賞識，成為她的徒弟。還記得當日草蜢要跟大師兄各奔前程時，四人曾在排舞室抱頭痛哭。
張衞健被指關心後輩別有用心
蘇永康則指當年為了買衫準備參加總決賽，在銅鑼灣利舞台開完會，便相約其他參賽者一起到佐敦買衫，他說：「呢個師兄（指張衞健）全程跟到實，當時我覺得呢個師兄好好，好到不得了，肯照顧後輩，但原來只係照顧一個後輩啫！而詳情係點，我哋會喺節目入面，透露俾大家聽。」
梁漢人獲唱經典歌伯樂是誰？
BIG FOUR四子之中，張衞健、許志安和蘇永康在新秀比賽中都各有名次，只有梁漢文是晉身十強，雖然未有名次，但當時只有17歲的他，卻在比賽翌日接到華星唱片的來電，他說：「當時我瞓喺上格床，我媽咪話：『喂！華星打嚟搵你喎！』我即刻仆落床聽電話，原來想搵我簽約，對方仲叫我帶埋阿媽，因為我未夠秤。」梁漢文在節目中更會透露當年為他找到《纏綿遊戲》和《不願一個人》這兩首經典名作的「伯樂」是何方神聖。
玩猜猜猜小遊戲張衞健詐型
眾人除了飯聚話當年，當日還準備了一個小遊戲，就是輪流估對方內心的喜好次序，例如蘇永康最愛的飾物、許志安最鍾意自己邊首歌，以及梁漢文如果唔做歌手、會成為哪個類型的運動員呢？至於張衞健，大家就要估他演過最深刻的角色，選擇範圍包括：《西遊記》孫悟空、《大帥哥》狄奇、《我愛牙擦蘇》林甦，以及《鹿鼎記》韋小寶，最終竟然冇人估中。
張衞健開估時也忍不住說：「都冇人了解我，好遺憾呢個世界，兄弟喎！」事後張衞健受訪時，不禁向3位兄弟詐型說：「唔緊要，兄弟呢啲，少個咪少個囉！不過個Show一定照做。」《BIG FOUR請食ReU飯》將於本周內播出，大家密切留意。
「BIG FOUR HAPPY TO SEE YOU ALL演唱會2025」
日期：2025年8月9日至11日
時間：8:15pm
地點：紅磡香港體育館
票價：HK$480/ $680/ $1180
購票方法：www.hotdogtix.com 或 HotdogTIX手機應用程式
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
