發佈時間：13:51 2025-06-10
陳山聰和阮浩棕先後夥拍日本美食達人陳方藤主持的《人生美食地圖-東京篇》，昨晚（9日）起一共10集逢周一至五晚上10點半在翡翠台播映。節目將帶觀眾深入東京大街小巷，尋訪地道美食。第一周出擊的陳山聰與陳方藤，品嘗「斷魂辣」的人氣拉麵辣到喊；而作為圈中潮人的陳山聰，更分享為買一件Tee排隊排足5個鐘，他笑言件Tee現在還在媽咪床下底。
陳山聰品嘗人氣拉麵辣到喊
陳山聰與陳方藤首集走訪原宿、日比谷、代宮山和表參道，品嘗辣度高達28度、獲稱「斷魂辣」的人氣拉麵辣到喊，人均消費不用500港元，還包埋蟹刺身的原隻活毛蟹高級料理。另外，隱世小店中的柚子胡椒豬肉Shabu Shabu；性價比極高的迴轉壽司店吞拿魚套餐，以及餡料滿瀉的山系軍艦，均值得一試！
平時望落又型又Cool的陳山聰，面對美食竟變成個小朋友般顯得好興奮，無論是哪一種美食，只要放進他的口裏，再配以他釋放出來的「享受雜錦表情包」，美味指數隨即飆升。當中最搞笑的是，陳山聰品嘗活毛蟹料理時，一度驚現「好味到反白眼」的表情，真係估佢唔到！
掛住行街只食蘋果醫肚
作為圈中潮人的陳山聰，早於20多年前已常前往東京瘋狂購物，很多地方都充滿他的掃貨痕跡。今次他更開懷分享昔日的「瘋買掃貨經」，他笑言當年為了慳錢、慳時間，不但住酒店住到豆腐膶咁細，就連3餐也相當求奇，他說：「初初嚟日本，我真係唔會咁樣慢慢歎Lunch，因為多數時間都用嚟行街，我誇張到個點係試過袋住個蘋果去行街，Lunch肚餓食個蘋果㗎啫。」
為買一件Tee排足5個鐘頭
陳山聰還到了當年掃貨必到之處——代官山朝聖，分享了當年在潮牌熱店排隊買衫的瘋狂事，又到訪當年為了一件超貴價外套，在品牌店門口徘徊「買與唔買之間」。另外，他還透露一個買衫的難忘經歷：「人生最長時間買件Tee用咗5個鐘頭，入到去求其見到咩都好啦，擸咗先，𠵱家仲有好多喺媽咪床下底，冇開過㗎。我試過半夜瞓唔着攞（件衫）出嚟掛喺度望，都可以望一晚㗎！」
延伸內容：陳山聰帶頭PO瞓覺相找數 郭柏妍企棟棟睡姿有段慘痛經歷
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
