發佈時間：12:55 2025-06-09
葉蒨文、李芷晴、梁敏巧、關嘉敏和羅毓儀參與TVB戀愛綜藝節目《女神配對計劃》，公開挑選男朋友，昨日（8日）播出首集！節目中出現不少筍盤令「女神」心心眼，除了「John哥」姜大衛兒子「細John」姜卓文獲關嘉敏選中外，還有李芷晴和周嘉全的「戀愛故事」，但最令人心動的卻是合作過拍《愛‧回家之開心速遞》的葉蒨文（Sophie）和曾展望（GM），曾展望一番情深說話，更令葉蒨文諗都唔使諗就將心動頸鍊交給他，連旁觀者李芷晴都話感受到真愛。
曾展望與林子祥同一日生日
節目一開始，追求女神的男士都會在簾幕後講一番說話，而簾幕未打開，葉蒨文已猜到幕後的人是曾經合作拍《愛‧回家之開心速遞》的曾展望（GM）。曾展望一開口先道出自己與林子祥是同一日生日，其他女神即表示如此有緣，為此葉蒨文特別問他：「你講真定講笑？我個心跳得好快！」曾展望表示是真的。
曾展望續稱認識葉蒨文多年，首次見她已覺得幾好，可惜當時她有拍拖，直至她參加這個節目便知道應該回復單身了，他說：「我好少咁主動，因為我怕瘀，不過我唔想你畀人追咗，所以我過嚟追你。」
曾展望非順應民意才參加節目
曾展望與葉蒨文於2024年開始在《愛‧回家之開心速遞》中組成「MC配（Mike and Candy）」，因外型合襯大受歡迎；早前葉蒨文宣布加盟《女神》節目後，曾坦言曾展望是其理想型，加上大批「MC粉」湧入葉蒨文社交網力推GM參加《女神》節目，沒想到曾展望真的參加了。
曾展望強調他並非順應民意才參加節目：「我唔想做嘅嘢，冇人逼到我。」葉蒨文聽到後即忍不住哽咽向製作組撒嬌：「你哋係咪玩我？將我嘅理想型放到咁後！」葉蒨文再問：「你分唔分到我同Candy（《愛回家》角色）嘅分別？」曾展望就回答：「Candy係比較小女孩啲，而你係時尚新女性。」成功取得葉蒨文的歡心。
葉蒨文全程甜笑兼眼泛開心淚光
面對曾展望既幽默又真誠的表白，葉蒨文全程甜笑兼眼泛開心淚光，曾展望繼續說：「我覺得你好幽默，我鍾意同啲幽默嘅女仔相處，我覺得好開心，我都係鍾意睇爛Gag嘅人」。葉蒨文聽到曾展望這樣說一度開心至大嘆一口氣，並害羞謂：「我未見過你呢一面，好唔慣，我平時覺得GM有少少玩世不恭、嬉皮笑臉兼Playboy Feel，我覺得你今日好唔同。」曾展望聞言即上前作進一步表白說：「其實我都幾怕醜，好少咁Hang機，但係我想同你試吓，畀個機會我追你，好唔好？」
葉蒨文零猶豫直衝曾展望送心動頸鍊
真誠說詞配以殺食甜笑，令Sophie零猶豫情況下直衝曾展望：「我唔需要嗰五秒喇，由開閘嗰吓我已經揀咗（GM）喇！」葉蒨文為曾展望戴上「心動頸鏈」時，二人全程不敢望對方之餘，還忍不住一再甜笑，Sweet到爆！
據知葉蒨文與曾展望拍完《愛‧回家》之後，私底下已近乎沒有聯絡，故曾展望今次參加《女神配對計劃》，令葉蒨文十分驚喜，並忍不住向GM說道：「曾展望，好耐冇見！」而曾展望回應：「之後可以見多啲。」兩人果然真情流露。
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
