發佈時間：20:00 2025-06-07
黎燕珊大女劉詠詩（Wynce）去年與從事IT界的男友鄭健民（Kenneth）結束12年愛情長跑註冊結婚，二人待囡囡鄭凱蕎（Eleana）出世後，今日（7日）假唯港薈擺婚宴暨弄瓦喜酒。黎燕珊坦言初做外母好緊張 ，先叮囑女婿要加倍愛護女兒，亦提點女兒當媽媽後要盡責任，任何事都要以一家三口設想，甚至以小朋友行先，就像她做媽媽做足100分。
黎燕珊成單親媽咪湊大仔女
黎燕珊女兒Wynce今早在酒店進行接新娘及斟茶給長輩儀式，黎燕珊與女兒一起穿上裙褂，開心又興奮陪女兒出嫁，她笑言：「今日係我大女詠詩同女婿健民大喜之日，我自己係單親媽咪，一手一腳湊大仔女，終於等到佢今日出嫁，以後由老公照顧喇。」
黎燕珊又稱接新娘時，最感動是女婿對囡囡詠詩講愛的宣言兼唱情歌，她說：「由佢哋認識到拍拖，呢段日子唔短，過程中互補不足，真係好感動，我祝福女兒家庭幸福，白頭到老，白髮齊眉，兒孫滿堂，哈哈！」
黎燕珊送贈女兒重手龍鳯鈪
一對新人跪地斟茶給媽媽黎燕珊和珊姐媽媽，黎燕珊送贈女兒一對份量十足的龍鳯鈪，整天笑不攏咀的黎燕珊，透露婚禮前一晚非常忙碌：「我終於明白辦喜事係要好勞心勞力。」
她雖然拍戲拍過不少婚禮場面，但親身經歷做主人家又是另一回事，「真係難以形容咁興奮，過去我哋一家三口，直至我個女認識我女婿後變成一家四口，𠵱家有埋孫女Eleana仲變埋一家五口，好開始吖！」
黎燕珊提點女婿不忘叮囑女兒
黎燕珊對女婿Kenneth十分滿意，但將女兒交給女婿時也不忘提點他：「詠詩係我心肝寶貝，所以唔准大聲同我個女講嘢，如果有日真係覺得我個女脾氣好難頂就同我講，由我教番個女先再交返番畀你。」
而她都好公道，亦有叮囑女兒說：「我同詠詩講佢都做咗媽咪，好多嘢要用一家三口角度諗，同埋要好有責任，好似我當日做咗單親媽咪後，真係做任何嘢都會諗咗佢哋先。」
黎燕珊期待囝囝也成家立室
詠詩出嫁後，黎燕珊表示現在最期待囝囝劉德權（Dicky）也成家立室，她笑言：「應該都好快嘞！」她坦言自己人生最大課堂就是湊大一對仔女，並寄語兩姊弟要行好自己未來的人生路，她說：「我成日同對仔女講，媽咪好多嘢唔係好識得教，但媽咪已經全心全意去教導佢哋。」
她帶點感慨眼濕濕地說： 「我自問呢份功課做得超過100分，以後嘅路就交返畀佢哋，希望佢哋都可以做好呢份功課啦！」
延伸內容：《雷雨》男女主角喜獲《全國十佳表演獎》 黎燕珊讚孫女好腳頭
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
