更新時間：14:30 2025-06-04
發佈時間：14:30 2025-06-04
發佈時間：14:30 2025-06-04
前亞姐練樂儀（Alina）曾於2019年在《亞洲美人魚小姐》奪得全場總冠軍。之前任職護士的她，勁多秘撈，絕對是圈中隱形小富婆。多年來她一直追隨Lady Gaga，日前更專誠坐商務機位到星加坡朝聖。她是相隔13年再捧偶像場，並特意與造型師好友馬天佑一齊組成「怪聽盛宴」，她直言超興奮，因這回憶殺有錢都買唔到，即使睇完騷嗌到聲沙兩日開唔到聲都值得。
Pokerface元素睇騷
練樂儀回想對上一次睇Lady Gaga已是13年前，她笑言：「嗰陣時我仲讀緊中學咋，當年我以Ｐokerface元素嘅造型去睇騷，仲特登『較』定鬧鐘晨早起身去搶飛，買最貴嘅飛係企位，跳足全場，氣氛好好，勁難忘！」這個回憶殺，是用錢都買唔返的，所以Alina今次更加要搏晒命去搶今次的演唱會門票。
練樂儀升級朝聖造型
現在目標達成真的可以再去朝聖，Alina為此將造型升級，她稱以Gaga最新MV《Die with Smile》的造型打扮出發，她續說：「美中不足係就算畀咗咁多錢，都買唔到企位，冇得勁跳，但都嗌到聲沙，兩日都開唔到聲。」她興奮謂：「每位粉絲都係行走嘅藝術品，呢種打破常規嘅勇氣正正就係Gaga嘅精神，個個都悉心打扮，雖然我都已經竭盡所能，但係自愧不如，希望Lady Gaga再做多啲好嘅作品，畀我哋欣賞啦！」
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
最Hit
