發佈時間：14:19 2025-06-02
樂基兒與孫慧雪日前（5月30日）出席澳門VIP EXTRA Backstage Party記者會，樂基兒Gaile於活動上表示自己是在澳門出世，所以今次可以到澳門做活動，感到相當開心。至於已為兩子之母的孫慧雪就笑言可以出來活動比在家照顧小朋友更輕鬆，反而是她的真正「me time」。
仔仔峇里讀書 Gaile為揾錢兩邊飛
現居於峇里的Gaile，為了工作不時香港、峇里兩邊飛，仔仔在峇里讀書，所以香港有工作就會返一返嚟，然後就馬上回峇里照顧小朋友。問到現在要做單親媽咪，有否感到佷吃力時，Gaile就話：「其實要做一個單親媽咪有好同唔好嘅，因為有時自己都有好多工作要做，但你都一定要抽時間去照顧小朋友，做好媽咪嘅本分，加上佢爹哋唔係身邊，我更要做埋爹哋嘅本分，但其實都有好處，好處就係自己可以話晒事，我可以點教就點教，唔需要咩都同人相量，我就係呢個家嘅「王」。」
至於自己是否一個「怪獸家長」，Gaile就表示：「我唔知咩叫怪獸家長，但係我承認我係同其他家長有啲唔同，因為我14歲就做model，自己好多地方住過，接觸過好多唔同文化，我較會用自己嘅方式同諗法去做。如果你覺得我係怪，我就係怪。」
被拍暗撻「女星殺手」 Gaile強調自己係單身
此外，早前《東周刊》獨家拍得Gaile在港密會「女星殺手」潘啓翀（Derek），Gaile否認有新歡，並堅稱自己現在單身。而Gaile第一任丈夫黎明，剛好也在澳門開演唱會，問到兩人有否聯絡，Gaile表示已沒有聯絡，但得知Leon開演唱會，也祝賀他一切順利。
孫慧雪用心拍片被網民力數四宗罪
至於已為兩子之母的孫慧雪說笑今次活動在澳門舉行，本來老公很想一起來，她即時拒絕，因為真的很想要一個「me time」。另外，孫慧雪表示近日忙於網絡工作，自己創作之餘，更要自己拍攝及剪接。但早前孫慧雪其中一條「變成清潔廁所特工」的短片，卻被網民力數四宗罪，對此阿雪謂：「我唔知自己被力數四宗罪，對於啲網民話我著長裙蹲低洗廁所，條裙拖晒地，我想解釋其實我係特登，我係想講有時媽咪為咗個小朋友，係會好忘我，我係特登，唔知大家點解睇唔出，同埋拍攝地方其實係我自己屋企，有人留言叫我掉咗條裙，我想講我啲衫係著十年，啲網民真係睇得好投入，多謝佢哋支持。」阿雪表示自己會接受所有意見，會繼續努力去創作短片。
