更新時間：15:17 2025-05-29
發佈時間：15:17 2025-05-29
發佈時間：15:17 2025-05-29
沈震軒（Sammy）加盟英皇後推出首支單曲《最幸運的平凡人》，這首由張家誠包辦作曲、編曲及監製、林若寧填詞的溫暖情歌，不僅是Sammy音樂路上的新起點，更是他對女友陳欣妍（Shirley）的甜蜜愛情宣言。
經歷高低起伏 人生感悟
沈震軒（Sammy）分享創作靈感時表示，歌曲道出了他經歷高低起伏後的人生感悟，特別感謝身邊一直不離不棄的伴侶，同時亦送給所以跟他有同樣經歷的人，「呢一個咁簡單、平凡嘅感覺，就係最幸福。」MV由Sammy與多年合作夥伴Derek共同執導，兩人從Sammy第一首歌《打不死》開始合作至今，默契十足，Sammy更自嘲二人是「港版羅素兄弟」。他們特別在MV中加入短劇《車廂擺渡人》的片段，透過不同故事呈現平凡生活中的溫暖時刻。
自動波親密 不需演技指導
令次MV女主角正正就是沈震軒（Sammy）本尊的女友Shirley，兩人在鏡頭前自然流露甜蜜互動，沈震軒：「而家呢個年代好多嘢都要有代入嘅真實感，呢隻咁sweet嘅歌，都好想送俾佢，同埋代表其他一啲身邊嘅人，希望可以將呢首歌送俾佢哋最想多謝嘅嗰個人，所以我覺得呢隻歌MV嘅女主角非Shirley莫屬。」
沈震軒又笑言與Shirley的親密鏡頭完全不需要演技指導，「其實都係做番我哋日常嘅嘢，哈哈，所以拍攝係非常之順利。」攞正牌甜蜜放閃。除此之外，MV還邀得一眾圈中好友義氣客串，包括歐陽震華、關智斌（Kenny）、周家怡、洪卓立（Ken）及許靖韻（Angela）。沈震軒特別感動地說：「佢哋知道我有呢個project，聽咗我同佢哋講關於個故仔係乜嘢，都義不容辭幫手，又同我講：『唔使擔心，所有嘢我哋幫你啦。』真係好感恩。」
最Hit
