發佈時間：19:35 2025-05-24
楊丞琳「LIKE A STAR」世界巡迴演唱會香港站，日前在香港亞洲國際博覽館舉行。楊丞琳闊別7年再開個唱，全場爆滿。當晚她演唱近40多首歌曲，不時向粉絲派心和送飛吻，更用廣東話向粉絲打招呼：「香港嘅朋友有冇掛住我？好耐冇見！我好掛住你哋。」之後又大唱廣東歌，還搞笑表示性感造型是香港粉絲的Bonus，冧到爆！
演唱會前大派應援物
當日一眾粉絲於下午已到亞博西大堂應援，除設立打卡位外，更大派應援物，令個唱變成大型粉絲聚會。而不少圈中好友如劉德華、容祖兒、Twins、張栢芝、王祖藍及李亞男夫婦等，齊送上花籃祝賀，陳妍希更驚喜現身捧場！
勁歌熱舞炒熱氣氛
一開場，楊丞琳即以勁歌熱舞大唱《BAD LADY》，瞬間將全場氣氛炒熱，她更用廣東話向粉絲打招呼：「香港嘅朋友有冇掛住我？好耐冇見！係咪好多人喺其他地方飛嚟？我好掛住你哋。」同時楊丞琳亦大唱廣東話《我們都是這樣長大》、《越難越愛》和《俏郎君》，一度感觸落淚說：「香港有好多工作人員睇住我成長，其中一位去年離開咗，以前係佢教我拼音，同埋教我唱廣東歌一定要標準。雖然我係廣東人，但係我嘅背景唔係成日講到，所以每次唱廣東歌都要下苦功。」
派心送飛吻與歌迷互動
楊丞琳當晚演唱近40多首歌曲，更不時向粉絲派心和送飛吻，歌迷亦非常受落兼齊齊大合唱。之後楊丞琳又與台下歌迷互動，當聽到大家讚她靚時，她就鬼馬說：「知道我唔似40歲，20歲吖嘛！講笑咋，隨着年紀嘅變化，唱歌嘅聲音都有改變，人生不同階段味道不一樣，今晚演唱會彷彿重走自己青春一遍！」
性感造型是香港粉絲Bonus
楊丞琳於演唱會香港站，以多套靚衫上陣，當中不乏Deep V晚裝，她搞笑稱性感造型是香港粉絲的Bonus。此外，今次舞台設計非常特別，大屏幕配合多重投影畫面與特效，令觀眾充滿驚喜，據知是楊丞琳豪花數百萬打造的。
演唱會於晚上近11時45分完結，楊丞琳向粉絲表達謝意：「我愛你們，但是如果要坐交通工具的朋友，我也知道你愛我，但回家也是很重要的，因為有你哋，我《像是一顆星星》！」說罷演唱會亦完美落幕。
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
