發佈時間：11:00 2025-05-22
Kellyjackie、曹敏寶（Mable）和邱芷微（Chelffy）日前分別以「禁毒大使」和「愛心大使」身份出席香港壽臣山獅子會舉辦的《無毒一生，燦爛人生2025》全港青少年造型設計比賽。Kellyjackie和曹敏寶擔任表演嘉賓獻唱，邱芷微則親自演繹著名時裝設計師Lulu Cheung（張路路）的服裝，藉此宣揚青少年禁毒及健康校園的信息。三人更各自分享心得，育有一子一女的曹敏寶表示要從小教導小朋友切勿亂食藥；邱芷微慶幸被同學引誘食軟性毒品時，因膽小不敢試而逃過大難；Kellyjackie就認為要多關心身邊人，有時候暖意提醒有助對方遠離毒品。
Kellyjackie稱暖意提醒有幫助
Kellyjackie在現場除了演唱《他約我去迪士尼》外，還有禁毒歌曲《不可一不可再》，她坦言自2009年第一屆開始，已連續16年擔任「禁毒大使」，心情確實有點矛盾，她解釋：「雖然我有首禁毒歌《不可一不可再》，但成日都希望唔使再唱呢首歌，因為社會唔再需要禁毒，大家已經遠離毒品。」
出任了「禁毒大使」多年，她認為現在宣傳工作更困難，皆因現今科技發達，年青人要接觸毒品，比以前更容易，他們會隱閉進行，所以她認為人與人之間，應互相關心多一點，她續說：「因為吸食咗毒品嘅副作用都好明顯，見到身邊人有異樣就要關心吓。」
曾患抑鬱症的Kellyjackie，更明白身心靈健康的重要，「自己係過來人，一句鼓勵說話可能會幫助好大，嗰份暖意可能會令人醒一醒，當然係需要尋求專業人士協助，但適切嘅關心都同樣重要，所以我建立咗個YouTube Channel『Twinkie Star Whispers星語夢之聲』，希望大家好簡單咁聽吓歌放鬆一下。」
曹敏寶從小教育仔女勿亂食藥
當日曹敏寶一家四口到場支持，作為6歲囝囝和3歲囡囡的媽咪，看到近期吸食毒品的年紀愈來愈細，感到相當擔心，「真係好驚，我有個姪女都係得12、13歲，佢話已經見到好多朋友吸食太空油，首先唔知佢哋點解會買到，最擔心係佢哋太細個，根本唔知道禍害嘅層面，呢個責任就交返畀大人，其實小朋友咁做離不開攞注意力，同埋冇抒發情緒嘅窗口，所以大人要主動去關注，同佢哋傾多啲偈了解有咩心事、面對緊咩困難，我成日講係用愛去浸大啲仔女，令佢哋唔敢做傷害父母嘅事，諗起阿媽咁樣會傷心，佢哋就唔會做啦！」
由於Mable一對子女年紀還小，更加要因材施教，對症下藥，她續說：「我會好簡單咁同佢哋解釋，有啲藥係好，幫到人醫病，但有啲藥係害人，令人更加病，所以有任何人叫佢哋食啲唔熟識嘅嘢，就要話畀媽咪聽，等佢哋有個安全意識先，我個仔開始懂事，佢又好貪靚，又鍾意做Super Hero，我就話畀佢聽亂食嘢就做唔到Super Hero，飛唔到上天佢就會好驚。
延伸內容：曹敏寶陪子女遊沖繩攰到冇得瞓 回港帶3歲女兒參觀雪糕廠整Gelato好過癮
延伸內容：相隔8年出新歌 曹敏寶搵鏡仔御用音樂監製坐陣 曬足全日拍MV
延伸內容：無懼連串風波 曹敏寶「老公好清楚我！」
邱芷微因膽小不敢試逃過大難
邱芷微（賈名媛）當日獲LuLu Cheung挑選穿上對方設計的服裝現身，她興奮說：「套衫好閃，我專登襯埋其他閃閃鞋同飾物出嚟！」她提到以前在英國升讀布萊頓大學（University of Brighton）時，住在大學宿舍，當時已見識到吸毒的禍害，「嗰時每逢周末室友好鍾意帶埋其他朋友嚟玩，佢哋喺廚房食煙，甚至食埋大麻，啲味真係好難聞，我喺房隔住都會聞到，有啲室友就搖住頭咁開完Party返嚟，仲會搞到間房好污糟，宿舍廚房係共用，但會擺自己廚具喺度，最嬲有次室友攞咗我個煎Pan放咗啲不知名好臭嘅嘢，搞到我即刻掉咗唔敢再用，好冇公德心。」
Chelffy當時仲試過被引誘食軟性毒品，慶幸自己膽小最終冇嘗試，「有時跟同學去酒吧消遣，有人會攞啲不明來歷嘅藥丸出嚟，都有問我試唔試食？我個人好鬼怕死，所以冇試過，但有啲同學有食，之後就變得迷幻，個個瞓晒喺度好似死屍咁，搞到酒吧關門都未醒，結果我要同另一個冇食嘅同學，逐個抬佢哋出去，之後個個仲斷晒片，我見到佢哋咁嘅樣，仲點敢去試吖！」
延伸內容：「賈名媛」邱芷微結婚了 與老公陳志忠勁歌熱舞娛賓 婚後生B湊成「好」字至少等1年
延伸內容：賈名媛邱芷微愛得痛苦 獲網民讚有內心戲 演技好原因係......
延伸內容：「賈名媛」邱芷微胃癌男友求婚成功 直擊頑疾纏身試婚紗
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
