更新時間：17:06 2025-05-07
發佈時間：17:06 2025-05-07
發佈時間：17:06 2025-05-07
「靚聲王」張偉文今年73歲，近年身體欠佳，早前就傳出他病危要入住ICU。
《東周刊》就發現，其實張偉文是入住隔離特殊感染病的負壓病房，一度唔認得人。經理人方俊日前就到醫院探望，原來張偉文4個月前尾龍骨位置開始有壓瘡，入院後未見有好轉，近兩個月壓瘡還開始惡化，變得越來越大，有拳頭咁大兼且含膿。方俊帶張偉文睇私家專科醫生，種菌後發現血液已感染了兩種細菌，可惜服用多次抗生素療程後，未見有改善，醫生指已有抗藥性，暫時都束手無策，有機會影響腦神經甚至有生命危險。
方俊悉心照顧 日日煲石崇魚湯
不過，經過醫護人員多日治療，又有方俊的悉心照顧，日日煲石崇魚湯，兼每天都去街市買雞燉雞汁，再加入節瓜來補充營養，大約10日後情況大幅好轉。張偉文更說住醫院住到悶，希望親朋成好友如果有時間，就去醫院探望傾偈咁話！《東周刊》希望張偉文早日康復，更請讀者們齊齊集氣送上祝福！
最Hit
