發佈時間：18:52 2025-04-30
潮流教父葛民輝，歌手洪嘉豪、Kiri T及Gordon Flanders難得合體合作，為恒生銀行全新Preferred Banking廣告拍攝。由於透過Preferred Banking轉用PayDay出糧可賺高達5%儲蓄年利率，故在廣告中飾演「打工仔」的洪嘉豪，教「高層」阿葛等人，只要轉出糧戶口已可「加人工」！
提到人生第一次出糧收人工，洪嘉豪說：「我第一份工係喺快餐店做暑期工，出糧戶口都係阿媽幫我搞。做咗差不多兩個月暑期工，份糧只得3千多元。」Kiri T則說打第一份工時，未過試用期就被炒！「我第一份工喺咖啡店工作，不過未過試用期就被炒，因為我太廢！記得做咗一星期左右，賺到幾百蚊。」雖然人生第一份薪金賺得幾百蚊，但Kiri T把這份薪金存入當時媽媽幫她開設的儲蓄戶口。
出道大概兩年的Gordon表示：「我第一份人工就係幫嘉豪寫歌，一出糧就用嚟交租！而我用嚟出糧嘅銀行戶口，就係屋企樓下最近嘅銀行開嘅。」Gordon坦言太太沒有管理他的財政，所以一直是自己經常留意銀行推出的優惠。而他和Kiri T及洪嘉豪均認為，以前選擇出糧戶口是較為被動，現在知道揀啱出糧戶口就可以賺到盡慳到盡，以及有更多如贏機票等優惠。
阿葛表示想當年收取第一份人工是以支票出糧：「以前出糧會盡量要求收支票，阿媽睇紅簿仔時就唔會知我真實有幾多人工，俾家用可以年年一樣。」他續說現在由太太管理財政：「我呢啲咁早成家立室嘅，太太會幫我plan好，一出糧已經分配好安排好，我一早已經有個『人生嘅Preferred Banking』！」
由於藝人收入不穩定，當討論到有什麼方法加人工時，Kiri T竟然大膽提出：「轉公司囉！」即令在場兩位同門師兄弟嘩然，洪嘉豪笑指：「上年公司幫你做到咁好成績，你竟然話轉公司！」Kiri立刻澄清：「唔係講我自己，係聽啲返朝9晚5嘅朋友講，可以試吓轉工，咁舊公司為咗留人或者新公司挖角都會加人工。」加入公司年資最淺的Gordon，直言幫公司每一位歌手都寫歌，多勞多得，希望續約時公司可以加人工，洪嘉豪笑指他用更多的努力換取更高人工，這不是真正加人工！阿葛撐Gordon：「幫多啲不同歌手做多啲好歌，然後有好成績就可以加價了！」
現在身為老闆級的阿葛，雖然離開打工仔行列多時，但仍不忘當年為加人工而努力做出成績：「我正式返工嘅頭兩年人工低，當時十分勤力工作，唔怕蝕底、唔怕OT，幾乎每3個月就會升職加幾百蚊，跟底薪比例算高。之後轉工加入電台工作，冇主動爭取加人工，反而努力做其他瓣數，例如電影，令自己人工加少少！」
「恒生Preferred Banking 加人工集氣站」將會於5月12日開始一連10日穿梭香港各區，call-out全港打工仔，一齊集氣加人工！完成遊戲即場拎走「加人工御守」，詳情留意恒生銀行的官方Instagram及Facebook。
