發佈時間：14:30 2025-04-12
古巨基最近帶同門師妹「音樂女神」海兒（Hedy）及YouTuber程人富到日本大阪拍攝全新旅遊企劃《I REALLY LOVE TO Travel我真係好鍾意旅行》。當地動漫及Cosplay出晒名，三人當然要「入鄉隨俗」，在日本橋電器街喪玩Cosplay，更意外被爆基仔是「元祖級Cosplay王」。點知在揀選角色時，海兒突然向基仔爆一句：「你做番個人啦！」即時辣㷫他，但基仔不但冇縮沙，更Cosplay円城寺仁帶住兩人「膽大」周圍行，最後基仔驚覺自己扮緊Tyson Yoshi，仲話下次要Cos埋對方的Body，真搞笑！
古巨基指演唱會時已Cosplay
節目一開始，海兒和程人富均指自己在動漫界十分耍家，這時基仔淡淡然說：「你哋知唔知我都係Cosplay嘅元老，你哋可能冇睇過，我以前演唱會都有Cosplay。」隨後三人到專賣Cosplay服裝店舖Shopping一番，在懊惱究竟扮演哪一部動漫角色時，海兒指：「我呢排都有講話大推《膽大黨》（Dan Da Dan）。」
雖然已決定扮演那一部動漫，但在選擇角色時，v突然向基仔爆出一句：「不如你都係做番人啦！」即時激到基仔跳起回應：「咩叫做番人呀？！咩意思呀你？！嗌我做番個人？！咁即係我𠵱家唔係人呀？！哈哈。我呢幾廿年做咗啲乜嘢呀？」笑到在旁的程人富碌地。
古巨基帶頭做《膽大黨》
最後基仔Cosplay円城寺仁、程人富扮演高倉健、海兒則化身Seiko Ayase。三人以神還原的造形在大阪街頭喪玩，更特登走到人多的地方如機舖及夾公仔舖遊走一番，基仔笑言：「今日我哋搞到呢個Look，要練嘅係乜嘢呀？膽大呀！因為係《膽大黨》吖嘛！無論見到所有人望我哋嘅目光係點，我哋仍然自信。」期間更吸引到不少途人圍觀兼拍照。
Cos埋Tyson Yoshi個Body
行到攰，三人到餐廳醫肚，一走進餐廳，又被店員「認出」，海兒謂：「啲店員都話：『哦！Dan Da Dan！』」然後大讚自己三人神還原角色，「都幾似喎、真係我哋幾個，唔係講笑。」不過基仔認為自己Cosplay Tyson Yoshi，他說：「我覺得好似Tyson Yoshi，你搵番佢紅色頭髮嘅時候對一對吖，哈哈。我Send我呢個Look俾Tyson先。」
隨後他又拿出電話，跟海兒及程人富分享自己過往演唱會的Cosplay造型說：「應該有19年前，差唔多20年……」話未講完，海兒看到電話便衝出來，「哦！《Devil May Cry》！」即時獲得基仔大讚：「真係識喎！識嘢喎！」節目出街後，基仔將自己Cosplay造型跟Tyson Yoshi的「合照」放上自己的社交平台，即時引來Tyson Yoshi留言：「嘩 有feel」基仔則回應：「下次cos埋你個body」十分搞笑！
延伸內容：聲生不息丨黃凱芹獻唱《雨中的戀人們》嗌緊張 古巨基自爆曾揾黃凱芹「執手尾」
延伸內容：中年好聲音3｜「音樂女神」海兒自揭床上癖好：呢個姿勢有xx作用 專家警告隨時傷害脊椎！
延伸內容：《中3》索女評審 陳海兒絕密艷照大搜刮
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
