發佈時間：19:41 2025-04-03
現年53歲的1990年度港姐冠軍袁詠儀（靚靚），早於90年代已兩度勇奪「金像影后」的殊榮，但隨着2006年誕下兒子張慕童，因希望全心全意照顧家庭而減產。轉眼間，兒子已成年18歲，更即將要出國升大學。
功成身退的靚靚，深受老公張智霖「唔工作會好快死」的啟發，繼去年拍攝大馬電影《OMG！阿媽有喜》 後，跟着又重返娘家無綫，接拍新劇《模仿人生》。相隔16年再拍劇，靚靚備受重視，不單止獲行政主席許濤親自到深圳探班，又可自選合作的演員。日前在港拍外景時，本刊還發現她擁有私家的休息室，排場十足，認真係強勢回歸！
挑選演員
兩屆「金像影后」袁詠儀（靚靚），自2009年參演無綫劇集《富貴門》後，相隔16年，終重返娘家接拍新劇《模仿人生》，她坦言最大誘因是金牌監製鍾澍佳：「我幾鍾意佢近呢一段時間嘅作品，我都睇過一啲，佢亦都好好，之前都有問過我，但我話我想拍另一啲劇種時，佢真係有啲我覺得幾得意嘅，就考慮啦。」
最終首肯接拍新劇的靚靚，備受無綫高度重視，今年1月在深圳開工期間，行政主席許濤也親自北上探班，還對靚靚說：「你好耐冇拍劇喇喎，多謝你返嚟。」她回應：「係呀，你要多啲支持我哋呢套劇喎！」《模》劇不但獲高層打氣，還陣容鼎盛，包括︰「視后」江美儀、「視帝」張振朗、「大馬視后」張曦雯、關禮傑等。而靚靚更有份挑選合作的演員：「其實我幾鍾意《婚後事》，覺得好貼地好鍾意。」所以陳自瑤和羅子溢也有份參演，她又直說：「係呀，我做咗好大爭取㗎！合約有寫㗎！呢啲要求無乜人做，通常係講開工時間，幾多錢，但我唔係，我就係要呢啲（陳自瑤、羅子溢）演員。」
冷眼旁觀
日前，靚靚聯同古天祥、2019年亞姐季軍范莎莎等，現身金鐘高等法院。當日劇情講述靚靚跟古天祥打官司；期間，古天祥備受傳媒追訪，而冷眼旁觀的靚靚，一臉憤怒地目視着對方離開。
現場所見，靚靚準時抵達場地，即使未到她拍攝的戲份，她也在旁觀看。而拍攝完畢的古天祥和范莎莎，見到靚靚也有上前打招呼交流，跟着便由靚靚拍攝獨腳戲。雖然當時周遭有不少途人圍觀，但她未受影響，如常睇完對白便埋位，兼且七情上面，表現專業。此外，劇組對她照顧有加，在旁搭了一個臨時帳篷，每逢空檔時，便讓她入內休息，盡顯「影后」的氣派。
靚靚可以回歸拍劇，一來獲得老公張智霖（Chilam）全力支持：「佢覺得人一定要做嘢，唔做嘢嘅人好快死。佢經常覺得唔可以咁早退休，要揀自己鍾意做嘅嘢，喺屋企你眼望我眼，好快會鍊死對方。」而Chilam還以冧招鼓勵，於情人節專誠去探老婆班，既陪食晚餐又送上鮮花。另外，近年備受膽石困擾的Chilam，日前就獨自一人到上海的一間醫院，接受醫治膽石的新療法。事後，他表示身體已沒大礙，並已回港。期間，他並不需要老婆陪伴，讓她專心拍劇。
贈送禮物
另外，有見阿仔張慕童已經18歲，將於今年負笈外地升讀大學，所以靚靚便有更多自己的時間︰「佢未決定揀咩科目，佢興趣係編曲同作曲，但父母都希望子女揀選將來可以謀生嘅科目，我就覺得個仔大學畢業後，要面對自己嘅人生，所以讀大學最重要係開心，搵自己喜愛嘅事。」
事實上，這次重返娘家拍劇，靚靚跟台前幕後皆相處愉快，還上載跟劇裏死對頭江美儀的嘟嘴合照，並寫上：「跟這女人愛到最後⋯⋯殺青#模仿人生#江美儀。」靚靚除了向對方送贈Hermès眼睫毛夾之外，又準備茶葉作禮品，明顯合作後，築起一段新的友誼，靚靚得着不少噃。
《東周網》訪談系列節目《星桄伴我心》重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
即睇：倪樂琳曾因心口胎記感自卑 爆媽媽鍾意某男星
