發佈時間：13:49 2025-04-01
「全城有機日2025」前日（30日）在中環遮打道行人專用區舉行。今年活動特別邀請了兩位「星級有機大使」車婉婉張和張新悅出席，以及樂隊Mr.鼓手杜志烜（Tom）擔任嘉賓，共同宣揚有機生活及可持續發展理念，並分享她們獨特的親子育兒經驗。車婉婉和張新悅更即場大展廚藝，育有一子的車婉婉煮得有板有眼；身為4個女兒媽媽的張新悅，雖自嘲是「地獄廚神」，但在大廚的協助下，簡單食材也可煮出美味菜式，她笑言要拍片畀老公睇展示實力。
積極推廣有機生活
首次參與活動的車婉婉，最然主持工作繁忙，但仍積極推廣有機生活。她表示：「作為一位媽媽，又要兼顧幕前，工作經常忙到冇時間唞氣，所以我更注重一家人嘅飲食健康，日常生活盡可能選用有機同天然食材，為自己同屋企人補充足夠營養同活力。」
而育有4位女兒的媽媽張新悅表示：「我自己多年來都好支持有機生活，因為我相信畀小朋友接觸大自然，從生活細節出發培養佢哋嘅環保意識係非常重要；多啲帶佢哋親近大自然，例如親身接觸天然食材，選購有機產品，從細培養惜物減廢嘅生活習慣。」
車婉婉用詩灌輸兒子環保意識
活動當日，車婉婉及張新悅親臨現場，除了分享獨門親子有機生活心得外，更與星級有型大廚徐欣榮（營哥）及法國藍帶廚師徐伊（Mandy）攜手，現場示範如何利用簡單又健康的有機食材，炮製出色香味俱全的美味佳餚，與現場觀眾一齊分享烹調秘訣。
車婉婉認為有機非常重要，在台上大展廚藝後稱：「好多疾病往往由食物進入我哋嘅身體，如果小朋友冇留意飲食，話唔定會害咗自己，為家人尤其下一代着想，更加應該要小心選擇食物，希望將染病風險減到最低。」
愛兒BBQ剛過8歲生日，成長以來，車婉婉一直向他傳遞有機信息，她笑道：「最近考試要背默《憫農詩》，佢問：『媽咪，咩叫粒粒皆辛苦？』我向佢解釋話農夫日曬雨淋去種米，所以唔好浪費碗裏每一粒米飯，就用呢個機會將環保意識灌輸畀佢。」
張新悅大展廚藝要拍片畀老公睇
張新悅已連續幾年擔任星級有機大使，她說：「我修讀咗環境管理碩士學位，當年論文主題已經想寫有機食品，後來慶幸認識咗黃煥忠教授（香港有機資源中心總監），就主動提出想當星級有機大使，希望盡我所能去幫助推廣有機生活。」
身為4位女兒的媽媽，張新悅自有一套灌輸有機概念的心得，她續稱：「要建立正確嘅人生理念，需要從細到大去打好基礎，我會讓小朋友懂得去挑選一啲好嘢，從而學會珍惜，食飯時我唔會畀小朋友睇iPad或電視，一定要望住碗飯、條菜，要佢哋感受農夫對飯菜下咗幾多心機，當成長時學會尊重，長大後自然懂得尊重別人。」
自嘲是「地獄廚神」的張新悅，今日與星級有機廚師徐欣榮合作下廚有板有眼，更興奮地表示要拍下視頻，向老公展示自己的實力，她說：「原來只要用鮮菌同雞蛋咁簡單嘅食材，整出嚟嘅菜式都可以令我咁有食慾，真係好開心同滿足！」
Tom透露Mr.4月出新歌兼重組出專輯
樂隊Mr.鼓手杜志烜（Tom）開設音樂教室「節奏生活」，致力以音樂教育小朋友，今日Tom帶同10幾位年齡介乎3歲至10多歲的學生參與「全城有機日2025開幕典禮」，在台上一展鼓技，Tom 說：「我一直好踴躍參加宣揚家庭健康嘅活動，希望小朋友學習之餘，亦會關心周圍發生嘅事，正如我嘅13歲兒子杜卓霖鍾意打籃球，但又參加咗一個潮流界活動，興趣唔會好單一。」
Tom與太太何思諺曾有意培養兒子繼承父親衣鉢，但小朋友學打鼓僅到第二級便停止了，Tom笑言：「媽咪想佢成為教室嘅生招牌，但唔會強迫，佢鍾意打籃球，我哋都會全力支持，最重要係小朋友開心。」
Mr.今年4月將推出新歌，並隨即登陸東莞等演出，預計年底前回港推出全新專輯，但原來的5人組合獨欠一人，Tom續說：「因為未與Alan（主音布志綸）達成共識，呢次重組將會有4位成員參與。」
延伸內容：車婉婉生父係咪張英才 ? 車婉婉首度開腔生父另有其人
《東周網》訪談系列節目《星桄伴我心》重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
即睇：倪樂琳曾因心口胎記感自卑 爆媽媽鍾意某男星
