發佈時間：16:49 2025-03-04
由梁思浩、黃紫恩（Jojo）及黃耀英（Darren）主持的靈異直播一小時節目《直播靈接觸》，昨晚（3日）主題為「電視台靈異事件」，請來粵劇名伶謝雪心（心姐）擔任嘉賓。節目中，心姐透露在不同電視台打工，遭遇過很多靈異經歷，但未必屬於別人所講的「靈異體質」，她笑說︰「冇特別咁諗，但梨園子弟可能因為都同靈界嘅關係比較深，所以易啲接觸到都唔奇。」
拍劇集體撞鬼
心姐憶述靈異經歷中印象最深刻的，必是發生在拍攝劇集《靈戲逼人》時的集體撞鬼事件，心姐說：「當時幾位演員拍緊一場送客戲份，我好清楚記得係第9集，大約係30至35分鐘左右。順利拍完點知攝影師話唔得，因為有隻手由天花伸落嚟。」心姐表示現場天花為密封設計，沒可能出現上述情況，但一班演員及導演看重播時，赫然見到畫面上方，果然有隻手凌空從天花伸下來。在場各人看完後都默不作聲，當冇事發生般重拍，非常專業。
「禱求」靈體遷移
另一件靈異事件發生在外地拍攝《宮心計2》時，心姐表示下榻酒店環境優美，但每晚都發着同一個怪夢，就是被一群不知名的猛獸追趕，搞到精神不振。拍同一劇集的張文慈，知悉後代為禱求平安，果然心姐當晚一覺瞓到大天光，她笑說︰「點知第二朝同劇嘅張慧儀，開工化妝時就猛鬧『撞鬼』，話成晚發埋啲唔知咩惡夢畀嘢追，嚇到我唔敢出聲，原來啲『嘢』趕咗去佢間房。」
嚇到半裸速逃
節目中，梁思浩接着自爆初次遇鬼的經歷，他稱事發在21歲那年，到加拿大拍攝60集長劇。一班工作人員入住當地一間古堡式酒店，安頓後梁思浩便到房間搵另一位女演員用膳，對方一開門梁思浩便被嚇一跳，他觸釋︰「一開門見到佢背後有位6呎幾高嘅男人企喺度，當時心諗『乜咁渴呀』，咁快搵男人，咁我梗係唔好意思就走啦，原來嗰隻係鬼。」隔了一會兒，該女演員半裸披住毛巾在走廊大叫「有鬼」，事後她表示正在沖涼期間，透過浴簾見到有個好高的黑影望住自己，嚇到她拿起毛巾就跑出房間。
《直播》最後7集
此外，本季《直播》只淨餘最後7集，所以自上星期開始，網民開始在Chat Room留言表達不捨，並希望速開第三季︰「直播靈接觸無限輪迴，快啲再播第三季……」、「天庭第三季快啲播」、「每個星期一二都好期待放工返屋企有得睇直播」、「而家我俾myTV SUPER的錢都係為了睇這個節目」、「求第三季，從第一集開始都無miss過」。事實上，第二季《直播》已由原先26集，加碼至42集，最後一集將於3月25日播出；而兩季《直播》在未夠一年時間，已前後製作了共71集。
延伸內容：梁思浩主持新城全新節目《命運解惑師》今晚首播 替聽眾解答命運困惑兼解決疑難
延伸內容：梁思浩相隔25年拍戲 揾楓燧驅鬼 張建聲自爆好細膽
延伸內容：直播靈接觸丨鍾保羅被「請」上節目 陳雅倫稱被已故男星鬼魂跟住
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
即睇：林盛斌Bob曾當選「我最討厭藝人」冠軍，被踩是垃圾 正能量反省：我做錯咗咩嘢？
即睇：李珊珊罕談舊愛錢嘉樂 剖白患驚恐症瀕死感覺 : 我會活好呢一生!
即睇：朱慧敏第二胎B仔出咗世啦！分享懷胎湊B心得 收蘋果批做結婚周年禮物 又喊又笑講「愛的宣言」
